Hoxe, día 20 de abril de 2017, remata o prazo para o cumprimento das obrigas tributarias de todos os actores da actividade privada no noso país: todo o noso tecido empresarial constituído -segundo o propio Ministerio de Industria- no seu 99,9% por autónomos, pequenas e medianas empresas.
Por esta precisa razón semella que no retrato que a continuación se describe moitos poidan verse debuxados; xente que acumula papeis e chamadas, que ten que alternar a loita cotián polo pan seu de cada día e simultaneala coas facturas, libros de contabilidade, infinitas chamadas, domiciliacións bancarias e ingresos a conta…
Prazos, estres, as xestorías que viven a súa propia paixón particular na Semana Santa e os contribuíntes que viven o seu propio síndrome de Estocolmo coa administración, e xa aprenderon ambos a vivir convivir co risco perenne de crucifixión.
Modelos varios 111, 115, 303, 130…. se as obrigas fiscais fosen un obxecto de consumo -coma os teléfonos móbiles- o seu cumprimento sería sinxelo e intuitivo -coma os propios smartphones-. Como se trata precisamente diso –obrigas- o único camiño para estar ao tanto é o do calvario.
Pobre artigo de opinión aquel que describe o cotián e recorre aos máis trillados tópicos; lonxe de iluminar a ninguén sirva esta queixa para facer suma: o traballo é o habitual campo de batalla, e a loita, lonxe de rematar no diario tracto mercantil, segue a librarse coa administración. Facenda moitas veces aperta e moitas afoga e a fiscalidade, lonxe de cumprir unha finalidade redistributiva, é claramente desproporcionada e regresiva. El pan nuestro de cada día.
Acaba o trimestre, comeza a campaña da Renda e a vida segue; bombas que caen sobre Afganistán, misís en Siria, a fame segue a condenar a continentes enteiros e o ex-presidente da Comunidade de Madrid é detido por unha trama de corrupción: novos tempos, vellas historias.
Tan vello coma todos os problemas anteriores é antigo conto dos sectores da economía de mercado privilexiados polo estado: os bancos. En España, despois da aprobación do real decreto que regulaba a reclamación extraxudicial das cláusulas de chan das hipotecas, as entidades bancarias están comezando a dar contestación; con respecto a isto dúas conclusións deben quedar definitivamente claras:
-Se a banca tivera a intención de devolver todos os cartos o tería feito de inmediato.
-Estanse ofertando acordos transaccionais con renuncia de acción. Se temos algo de memoria deberamos lembrarnos de ler antes de asinar.
Hoxe, día 20 de abril, moita xente seguirá loitando contra unha economía deprimida, contra os privilexios da banca e os monopolios, contra a facenda pública, contra a guerra e a fame, contra a inxustiza e contra os seus propios demos…
Días duros, poucos folgos pero unha obriga: asumir a nosa escravitude fronte ao “sistema” e non deixar de pórlle un sorriso á adversidade para poder construír un mundo mellor.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
