Este martes remata o prazo para os Concellos, asociacións e grupos teatrais que queiran participar no Buxiganga da Deputación

Lugo, 17 de abril de 2017. O Goberno da Deputación mantén aberto o prazo ata mañá para participar no Buxiganga, o programa dotado con 40.000 euros, co que o Executivo Provincial promociona o teatro afeccionado na provincia. O Buxiganga está dirixido a Concellos e asociacións, para a contratación de actuacións de agrupacións lucenses de teatro afeccionado, que se celebrarán entre os meses de maio e outubro.

Na www.deputacionlugo.gal hai un espazo habilitado no que se poden consultar todas as bases do programa e os documentos que se deben cubrir para entregar a solicitude no Rexistro Provincial.

O Goberno da Deputación asumirá o 80% dos custos de cada actuación e o 20% restante, será achegado polos Concellos e asociacións que soliciten ditas actuacións, para o que poderán cobrar unha entrada simbólica que en ningún caso poderá superar os 3 euros. A achega do organismo provincial, que dependerá do número dos integrantes dos grupos de música, é a seguinte:

-Grupos de 6 a 8 persoas: 500 €/función (tendo as 3 representacións 450 €/función)
-Grupos de 9 a 12 persoas: 750 €/función (tendo as 3 representacións 700 €/función)
-Grupos de 13 ou máis persoas: 850 €/función (tendo as 3 representacións 800 €/función).