04 de maio de 2017. O Presidente da Deputación, Darío Campos Conde, acompañado da Deputada de Promoción Económica e Social, Sonsoles López Izquierdo, participou este xoves en Burela na inauguración da tenda de produtos ecolóxicos A Leira, unha iniciativa da emprendedora Pilar López, que se materializou logo de que a promotora participase no curso de maduración empresarial do IV Campus do Emprendemento Sostible, organizado polo Goberno da Deputación.
Campos Conde destacou durante a súa intervención que “é unha satisfacción ver materializados as ideas emprendedoras en proxectos que xeran riqueza para a súa contorna” e lembrou que no IV Campus do Emprendemento Sostible participaron 80 persoas, das cales 70 foron alumnos de Formación Profesional e outras 10, emprendedores que, como Pilar, precisaban asesoramento sobre as súas ideas de negocio para iniciar a actividade”. O Presidente desexoulle moita sorte na súa andaina comercial e destacou que desde a creación do Campus de Emprendemento xa foron moitos os emprendedores da provincia que lograron sacar adiante os seus proxectos empresariais.
A nova tenda está situada na rúa Castelao nº2 e ofrece produto galego ecolóxico e hortalizas e verduras da zona, así como outros produtos frescos como zumes naturais e batidos. Ademais, entre a súa oferta figuran produtos que a promotora coñeceu durante as visitas empresariais efectuadas no Campus de Emprendemento Sostible, como os producidos por Arqueixal e Mulhulloa.
A promotora da tenda, Pilar Rodríguez, participou o curso de maduración de ideas empresariais do IV Campus de Empredemento Sostible, que se celebrou no Centro de Interpretación Terras do Miño, en Lugo, coa participación de 10 persoas. O obradoiro afondou nos métodos para analizar a viabilidade comercial, técnica, legal, medioambiental e económico-financeira dos proxectos, unha formación teórica que se completou cunha serie de titorías e a visita a empresas da contorna, para coñecer casos de éxito. Pilar Rodríguez recibiu, ademais, asesoramento personalizado dos técnicos para a posta en marcha e a orientación da tenda.
Participantes do IV Campus de Emprendemento
A cuarta e última edición ata o momento do Campus de Emprendemento Sostible finalizou o pasado mes de marzo, logo de organizar 6 cursos de formación que contaron coa participación de 80 alumnos. Destes, un grupo de 10 participantes foron emprendedores que xa contaban cunha idea empresarial e precisaban asesoramento sobre diferentes aspectos do seu proxecto; e os outros 70, foron alumnos de 3 institutos de Formación Profesional: o IES San Rosendo de Mondoñedo, o IES Trapero Pardo de Castro Ribeiras de Lea e a Escola de Alta Montaña de Becerreá.
A oferta formativa incluíu dous tipos de accións: un taller de motivación e xeración de ideas empresariais o outro de maduración de ideas. Ambos os dous combinaron as sesións teóricas con visitas a empresas da provincia, para dar a coñecer experiencias exitosas de emprendemento sostible.
Novas empresas
Nas catro edicións do Campus do Emprendemento Sostible foron moitos os emprendedores da provincia que lograron sacar adiante os seus proxectos, coa axuda e a titoría dos técnicos do Campus. Algúns exemplos das novas empresas creadas son a Pensión Os Ancares, en Becerreá; restaurante Casa Meiroi en Navia de Suarna; a empresa de ferretería Tualicate.com; a consultoría de avogados, Avogar; a cafetería Abadía de Mondoñedo; a empresa de eventos Esmorga; a empresa de apicultura Casa Príncipe e o proxecto de educación na natureza, Nena, entre outros.
O Campus do Emprendemento Sostible é unha iniciativa do Goberno da Deputación para impulsar a creación de empresas no rural, sostibles e respectuosas co medio, que contribúan a xerar postos de emprego e frear o despoboamento demográfico, especialmente nos territorios das Reservas da Biosfera.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
