Foz 12-5-17. O Colexio Martínez Otero de Foz, a instancia do seu equipo de Dinamización Lingüística, vén de crear o premio “En galego consola”. Con este galardón preténdese recoñecer o labor dos diferentes negocios focegos que empregan o galego como lingua habitual na súa promoción, relación e atención cos clientes.
O premio “En galego consola” nace con vontade de permanencia no tempo e coa idea de incentivar, entre os distintos establecementos focegos, o uso da lingua galega en todos os seus ámbitos de actuación. Nesta primeira edición, o premio recaeu no sector hostaleiro. A razón é clara: a campaña “En galego consola”, levada adiante polo alumnado de 1º da ESO, dirixíase á visibilización do galego nun ámbito do común, de todos os días, como eran os menús e as cartas das cafetarías e dos restaurantes. Deste xeito, o traballo de campo da campaña permitiulle ao alumnado coñecer a “saúde” da nosa lingua nos bares e cafetarías da nosa vila.
Así, foi o alumnado de 1º da ESO o encargado de actuar como xurado nesta primeira edición do premio “En galego consola”. Este venres, día 12 de maio, nun acto organizado no Salón de Actos do Colexio, foron os propios alumnos de 1º da ESO os encargados de entregarlle o premio ao local afortunado: a PULPERÍA RENTE AO MAR. O seu xerente, Ramón Fraga “Caxé”, foi quen recolleu o premio de mans dos pícaros. Amosouse moi emocionado e agradecido por ser merecedor desta distinción, á vez que animou aos pícaros para que non deixen que a nosa lingua se perda.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
