Lourenzá, 4 de maio de 2017. Esta semana empezaron a traballar os 5 empregados contratados polo Concello de Lourenzá cunha subvención concedida pola Deputación de Lugo a través do programa Depuemprego. Anunciouno hoxe a alcaldesa, Rocío López.
A rexedora municipal explicou que “para este fin o Concello recibe do ente provincial un total de 37.000 euros destinados á creación de 5 postos de traballo e foron contratados un albanel, un carpinteiro, un peón de limpeza, un peón de xardinería e un técnico de turismo. Isto permitirá reforzar o cadro de persoal e mellorar a calidade e a eficiencia na prestación dos servizos aos cidadáns”.
Resposta ás críticas do PP
Ademais Rocío López respondeu ás declaracións da portavoz municipal do PP, quen criticou que o Concello perdeu unha subvención da Xunta de Galicia de 4.800 euros destinados á contratación de oito voluntarios: “sorpréndeme que a señora Álvarez se preocupe pola perda de 4.800 euros e non polos 50.000 euros que todos os veciños terán que poñer do seu peto para a execución da sentenza de demolición do edificio de vivendas situado na rúa Rego Vilazo, débeda e herdanza que ela mesma nos deixou. Non nos acuse a nós de mala xestión cando mala xestión é a súa, a que nos levou tamén a perda da subvención do Agader destinada ao Pazo de Tovar e que tamén sairá do peto dos laurentinos. É unha vergoña e unha falta de respecto que esta señora ande a enredar con esas cuestións cando dende o actual goberno municipal estamos a solucionar da mellor maneira que podemos os problemas que o seu goberno do PP nos deixou”.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
