Mondoñedo, 19 de maio de 2017.- O Concello de Mondoñedo promoverá o desenvolvemento de tres proxectos, que remitiu á Axencia Galega de Desenvolvemento Rural (Agader), da Xunta de Galicia, co obxecto de solicitar unha subvención para estas iniciativas a través das axudas Leader – PDR de Galicia 2014-2020. Os tres proxectos que presenta a administración municipal supoñen un investimento superior aos 335.400 euros e permiten actuacións nas áreas de servizos sociais, medio ambiente e turismo.
En concreto, o Concello de Mondoñedo solicita axuda para adquirir un furgón adaptado para transporte de persoas con discapacidade e/ou dependentes; para levar a cabo un programa para acadar unha mellor promoción e posicionamento da cidade nas redes e novas tecnoloxías, así como para instalar un punto limpo nos terreos anexos á nave municipal.
Proxectos
A alcaldesa de Mondoñedo, Elena Candia, explica que se trata de tres actuacións solicitadas polos veciños, “sobre as que presentamos os seus respectivos proxectos a Agader ao abeiro da medida Leader, cofinanciadas co Feader no marco do Programa de Desenvolvemento Rural de Galicia 2014-2020”.
Dun xeito máis detallado, a rexedora precisa que o Concello pediu subvención para o proxecto ‘Mondotech. Do local ao global no século XXI’, cun orzamento de 54.450 euros (IVE incluído), o cal, segundo explica a alcaldesa, ten por obxectivo “acadar unha mellor promoción e posicionamento en redes e aproveitar as oportunidades que nos ofrecen as novas tecnoloxías”.
Ademais, entre os proxectos remitidos a Agader tamén se atopa o de adquirir un furgón adaptado para o transporte de persoas con discapacidade ou dependencia. “Un proxecto que desenvolvemos pensando nos usuarios do centro de día e en situacións de persoas con necesidade ou escasos recursos”, asegura a rexedora. Esta actuación suporá un investimento de 41.140 euros (IVE incluído).
Por último, o Concello tamén busca unha subvención para o proxecto de posta en marcha dun punto limpo, que segundo informa á alcaldesa, e de recibir a axuda, “localizarase no terreo anexo á nave municipal”, feito que, engade Candia, “permitirá a súa xestión con persoal propio”. Esta actividade conta cun orzamento de 239.827,16 euros ( IVE incluído).
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
