Lugo, 24 de maio 2017. O Presidente da Deputación, Darío Campos Conde, xunto ao Alcalde de Ribadeo, Fernando Suárez Barcia, informou sobre as actuacións en reforzo das prestacións públicas aos veciños deste municipio, que levou o Goberno Provincial con máis de 1 millón de euros do Orzamento de 2016. Fíxoo nunha visita a este Concello da Mariña, no que supervisou algúns dos traballos que se executan con dito investimento, como as obras da residencia para maiores.
Campos Conde e Suárez Barcia supervisaron o inicio hoxe mesmo dos traballos de demolición do edificio anexo ao centro de maiores, que se vai habilitar como zona verde. O Presidente adiantou que se está a contratar o mobiliario. O conxunto destes traballos, máis os derradeiros da construción da propia residencia xa executados, están financiados con 700.000 euros da Deputación. Pois o Goberno Provincial decidiu incrementar en 500.000 euros a súa achega prevista no 2016 a esta dotación social (que era de 200.000 euros) ata dita cantidade porque a Xunta non cumpriu co seu compromiso e negouse a achegar orzamento algún a esta instalación para a 3ª idade.
O Presidente subliñou que “con esta residencia reforzamos os servizos sociais en Ribadeo, pois vai a ter capacidade para 47 maiores. Hoxe xa atendemos a 146 veciños deste municipio a través do Servizo a Domicilio para non dependentes e da Teleasistencia gratuíta, que lles prestamos dende o Goberno da Deputación porque a Xunta de Galicia non o fai”. Son 75 os veciños de Ribadeo aos que o Executivo Provincial lles financia con 20.677 euros o Servizo a Domicilio a non dependentes e 71 os que contan coa Teleasistencia gratuíta da Deputación.
Melloras nas dotacións públicas do casco urbano
Os dous mandatarios comprobaron o estado do Auditorio Municipal Hernán Naval onde o Goberno da Deputación financia con 60.000 euros a súa mellora. Estas obras, que arrancarán a vindeira semana, consisten no revestimento da cuberta, que se atopa deteriorada por humidades, así como no arranxo do sistema de calefacción. Estes traballos estarán rematados previsiblemente en agosto. Este auditorio, que ten unha capacidade de 300 persoas, é moi empregado polos veciños de Ribadeo porque, ademais das diferentes actividades lúdico-culturais que se celebran nel, emprégase como centro social.
O Executivo Provincial destinou a Ribadeo máis de 23.000 euros para a dotación de 60 novos puntos de luz de baixo consumo no alumeado público do aparcadoiro municipal e das rúas Amador Fernández, Daniel Cortezón e Pintor Fierros. Estes traballos, xa rematados, permitirán reducir a factura de luz en máis dun 10% ao ano, aforrando estes custos ao Concello.
Melloras nas prestacións públicas do rural
Campos Conde e Suárez Barcia comprobaron as melloras que o Goberno da Deputación financiou con 56.000 euros en núcleo rurais ribadense. Con este orzamento, executáronse traballos de ampliación e reforzo do encauzamento de regos en 4 núcleos rurais doutras tantas parroquias: A Madanela, en Vilaframil; Río de Ove, en Ove; Santo Tomé, en Santalla de Vilasende; e na Igrexa, en Vilaselán. Así mesmo, o Goberno da Deputación investiu máis de 34.000 euros noutras melloras no rural do municipio mariñán, que favorecen a actividade dos profesionais do sector primario. Este investimento destinouse á dotación de material de pesca, á instalación de traídas de auga ou á melloras en accesos públicos.
4 novos postos de traballo
Ademais dos investimentos anteriormente mencionados, o Goberno da Deputación destinou 46.657 euros á creación de postos de traballo directos e o reforzo dos servizos municipais, a través do DEPUEMPREGO. Trátase do plan dirixido aos municipios de menos de 20.000 habitantes mediante o cal o Executivo Provincial financia na súa totalidade os custos laborais de novos traballadores. No caso de Ribadeo, dito investimento permitiu a contratación de 4 desempregados lucenses: 1 auxiliar de apoio turístico para o albergue, 1 catalogador de documentos, 1 dinamizador sociocultural e 1 auxiliar administrativo de intervención.
Máis colaboracións
É máis de 1 millón de euros o que o Goberno da Deputación levou aos veciños de Ribadeo a través do Orzamento de 2016, pois, a maiores das actuacións citadas, o Executivo Provincial colaborou co financiamento de melloras en instalacións culturais e deportivas, así como na organización de actividades no eido cultural e deportivo.
Por exemplo, o Ribadeo Fútbol Club, que descendeu de terceira división á Preferente Autonómica, recibiu unha achega de 16.000 euros para gastos correntes durante toda a tempada. A Asociación Cultural Jazzeo 3.000 euros para a organización do V Festival de Jazz & Blues. Os veciño de Ribadeo tamén contaron con 1.300 euros para a organización da mostra de teatro afeccionado Daniel Cortezón; outros 1.500 euros para as escolas deportivas; 12.000 euros para contribuír co traballo da Asociación de Discapacitados Ponte dos Santos ou 7.000 co da Asociación de Persoas con Discapacidade da Mariña, entre outras axudas.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
