LOURENZÁ, 4 de maio de 2017.- O concello de Lourenzá perdeu unha nova subvención da Xunta de Galicia como consecuencia “da súa nula xestión”. Trátase, desta volta, segundo revelan os populares, da axuda da consellería de Política Social, cifrada en 4.800 euros, e que estaba destinada á contratación de oito voluntarios para o desenvolvemento de traballos culturais, turísticos e medioambientais.
Neste senso, dende o PP local recoñecen “non dar crédito ao que está a pasar no noso concello, pois esta é a terceira subvención que o Goberno local perde por solicitala o último día do prazo establecido. Isto é unha mostra máis da incompetencia da alcaldesa e do seu equipo”, subraian.
Concretamente, a entidade local, na Xunta de Goberno, celebrada o 26 de abril de 2016, solicitaba esta axuda, que se enmarcaba dentro do proxecto denominado “Voluntariado Concello de Lourenzá: Acompañamento e dinamización dos recursos”, e que incluía a contratación de 4 efectivos para o Camiño de Santiago e asesoramento turístico, 2 para actividades de lecer e outros 2 para iniciativas de sensibilización medioambiental.
“Estamos diante un proceder sen precedentes”, subliñan os populares, “pois non entendemos como se pode desaproveitar a colaboración que brindan outras administración, e que son fondos públicos que lle pertencen aos veciños, non aos políticos”. E é que este tipo de axudas distribúense por orde de presentación, ao non ser en réxime de concurrencia competitiva, polo que ao presentarse a solicitude o último día do prazo, provoca que os veciños corran o risco de perder estas aportacións.
Uns 50.000 euros en total
Con esta axuda, en total a entidade local leva perdidos máis de 49.000 euros. Ademais da indicada, tal e como denunciaron os populares en días pasados, e polo mesmo motivo, o concello deixou de percibir 35.000 euros da subvención concedida para o acondicionamento do aparcadoiro do cemiterio de San Adriano, así como os 9.311 euros para a contratación dun traballador en risco de exclusión social, que concedía a administración autonómica, a través da consellería de Economía, Emprego e Industria.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
