LOURENZÁ, 23 de maio de 2017.- O grupo municipal de Lourenzá insta ao Goberno local a crear un plan de dinamización turística do concello. Así se desprende da moción que se debaterá este xoves no Pleno que celebrará a Corporación municipal, e que nace froito de que neste mandato “a aposta polo turismo e por configurar unha estratexia de xeración de valor neste municipio brilase pola súa ausencia”, en contraste, especifican os populares, “co que está a acontecer en varios dos nosos concellos veciños”.
Convencidos de que “Lourenzá nin debe, nin pode permitirse quedar apeada desta gran oportunidade, pois temos grandes tesouros culturais, patrimoniais, artísticos, gastronómicos, ademais dunha relevante riqueza ambiental e paisaxística, que nos converten nun destino turístico atractivo”, propoñen elaborar, directamente ou en colaboración cunha empresa especializada, este plan dentro do Xeodestino A Mariña Lucense. Trátase, en definitiva, de potenciar e explotar todos os recursos tradicionais, así como as novas tendencias, no que participen os axentes locais involucrados e un membro dos grupos políticos con representación no Pleno, e no que, polo menos, se recollan as seguintes propostas:
1.- A apertura do Punto de información Turística durante os meses de verán de luns a domingo, ademais dos festivos con máis movemento de turistas e especialmente os que coincidan con pontes festivas nesta ou noutras Comunidades Autónomas.
2.- Promover un convenio de colaboración con produtores de faba para manter o Centro de Interpretación da Faba aberto no verán, e no cal se ofreza produto a venta e se proxecten vídeos que mostren o traballo que leva aparellado o seu cultivo; así como potenciación da Ruta da Faba, completando as visitas a explotacións do Val de Lourenzá.
3.- Levar a cabo labores de difusión e conservación da ruta de sendeirismo Val de Lourenzá.
4.- Analizar o convenio vixente coa Diócese Mondoñedo-Ferrol a fin de ampliar o horario de visitas á Igrexa e ao Museo de Arte Sacro.
5.- Buscar fórmulas de financiamento para recuperar o mosteiro de San Salvador e darlle un uso ao mesmo.
6.- Potenciar a ruta literaria Francisco Fernández del Riego proxectando un calendario de eventos culturais en datas sinaladas na vida do galeguista en torno á mesma para difundir a obra e de paso a vila natal do Fillo Predilecto.
7.- Convocar a comisión de seguemento do Pazo de Tovar, co obxectivo de que non se perda o uso público da rehabilitación do mesmo.
8.- Promover un convenio cos hostaleiros locais para que se incluía a Faba de Lourenzá nas cartas, así como se potencie como prato típico, ampliando así o labor de identificación do concello.
9.- Promover o uso turístico do edificio municipal construído na área recreativa da Cazolga a fin de potenciar a única zona que existe dentro de Rede Natura, e aproveitando o Camiño de San Rosendo que dende Foz e, nun futuro ata Celanova, pasa ao carón da mesma.
10.- Achegar recursos económicos de xeito anual a este plan, coa finalidades de poder facelo efectivo e solicitar, de ser necesario, fondos á Deputación de Lugo e a outras administracións, para a dinamización cultural, económica e turística do concello.
Cumprimento do convenio para a mellora do Camiño de A
Asimesmo, e tal e como anunciaran en día pasados, os populares pedirán ao Goberno que axilice as xestións coa Deputación para que esta mellore o Camiño de A. Concretamente, as entidades local e provincial asinaran e novembro de 2016 un convenio para a rehabilitación do firme desta estrada, dotado con 150.000 euros.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
