Foz 26-05-2017.- Despois de comprobarse que, efectivamente, se aplicaron dúas subidas incompatibles no IBI, tal e como descubriu e denunciou o grupo socialista, a través do seu voceiro Chema Linares e de presentar unha moción que resultou aprobada por unanimidade en novembro de 2016 instando ao equipo de goberno do concello de Foz, á devolución de oficio do cobrado de mais, o grupo municipal do PSdeG-PSOE de Foz preguntou no pleno de onte, como e cando, se vai devolver o cobrado de mais aos veciños polo imposto sobre bens inmobles (IBI), a contestación do Alcalde foi que deben solicitalo os propios veciños.
O PSOE non entende que dita devolución non se efectúe de oficio xa que, segundo dispón a Lei de Procedemento Administrativo común para as Administracións públicas no artigo 109, as administracións poderán rectificar de oficio os errores materiais, de feito ou aritméticos sen necesidade de que o pidan os veciños e cando tamén esta aprobada por unanimidade unha moción presentada polo grupo socialista no pleno de 26 de novembro de 2016, instando ao equipo de goberno a dita devolución de oficio.
A cantidade estimada, abonada de mais polos veciños, ronda os 200.000 euros aos que hai que sumar os intereses de demora dende o ingreso, no ano 2014, ata a fecha de devolución.
Xa que esta probado que se cobrou de mais, é obriga do Concello, devolver o cobrado en exceso ou ben compensar dito cobro de mais con cargo ao imposto deste ano 2017.
Non obstante, dende o PSOE recomendase aos veciños que soliciten por escrito, a devolución antes de que prescriba xa que, a resposta dada polo alcalde onte en sesión plenaria, inclina a pensar que non se vai facer de oficio e solo se procederá á devolución a quen así o solicite.
O PSdeG pon a disposición dos veciños un modelo de solicitude, que se poderá atopar, na sede da agrupación e nas redes sociais da Agrupación Socialista de Foz
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
