Alfoz 1-5-17. A Consellería do Medio Rural da Xunta de Galicia, recollerá a próxima semana no Concello de Alfoz as patacas que, segundo o RD 197/2017 do Goberno Central establece o Programa Nacional de erradicación de Tecia Solanirova (couce guatemalteca), deben ser entregadas para a súa destrución.
Jorge Val, alcalde de Alfoz, comunica que colaborará coa Xunta para facilitar aos seus veciños o cumprimento da normativa que obriga á entrega dos tubérculos para a súa eliminación.
No concello entregaranse sacos de 20Kg para as patacas: as de semente, as plantadas durante este 2017 e tamén as que aínda teñan da colleita do ano pasado.
Ao recoller devanditos sacos, anotaranse as direccións para facer a recollida o xoves e venres da semana próxima (4 e 5 de maio) por parte de vehículos municipais que o Concello cederá para facilitar o labor da Consellería do Medio Rural. Levantarase acta das cantidades e tipos de patacas (sementa, cultivo, excedente de 2016) co fin de deixar constancia da entrega, así como para as posibles indemnizacións ás que os agricultores poidan ter dereito.
Nestes días colocáronse carteis en todo o termo municipal para informar os posibles afectados polo Plan Nacional de erradicación da Tecia Solanirova e ademais atenderanse as dúbidas que poidan ter respecto diso no consistorio.
A prohibición do cultivo de pataca, que en Alfoz é case na súa totalidade para autoconsumo, é un duro golpe para moitas persoas como se puido ver na reunión informativa que meses atrás organizou a Xunta de Galicia para informar sobre o tema e na que un gran número de asistentes acudiron para saber que ía pasar e como se solucionaría o problema da praga que levou ao Goberno esta prohibición. No noso municipio, como en moitos outros, é tradicional ter uns regos de patacas para a casa, pero tamén somos conscientes de que hai que cumprir a lei e esta di que é necesaria a destrución dos tubérculos para evitar que a couce guatemalteca se estenda provocando males maiores para todos e coa esperanza de que no menor tempo posible se poida recuperar o cultivo da pataca nas nosas terras.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
