Lugo, 12 de xuño de 2017.- A Xunta de Galicia destinou 2.306.000 euros a axudas para a rehabilitación de edificios e vivendas na provincia de Lugo, ao abeiro de varias convocatorias de subvencións xestionadas polo Instituto Galego da Vivenda e Solo (IGVS).
O IGVS, dependente da Consellería de Infraestruturas e Vivenda, concedeu en concreto 404 subvencións a comunidades de propietarios e persoas físicas para actuacións de rehabilitación. Preto do 92% dos expedientes procederon do ámbito dos Camiños de Santiago, do rural ou de contornos históricos.
O delegado territorial da Xunta, José Manuel Balseiro, deu a coñecer estes datos e subliñou que a Xunta está reforzando os programas para impulsar a rehabilitación porque “ten beneficios máis que evidentes: para os propietarios, que melloran a calidade da súa vivenda, e para a sociedade no seu conxunto xa que incide directamente na paisaxe e, no plano económico, actúa como factor dinamizador da construción e do emprego”.
Ao respecto, Balseiro destacou a especial repercusión que tiveron as propostas do IGVS para os ámbitos rurais, históricos e dos Camiños de Santiago, que sumaron 371 expedientes e máis de 1,9 millóns de euros de investimento, basicamente en subvencións a fondo perdido para o remate de fachadas e cubertas e a rehabilitación e reconstrución en xeral de edificios e vivendas.
O delegado explicou que xa están en marcha novas convocatorias de axudas, como as de mellora de eficiencia enerxética, unha nova liña de traballo cofinanciada con fondos FEDER que permite aos concellos realizar actuacións en vivendas da súa propiedade con axudas da Xunta, e facilita a intervención directa do IGVS en vivendas de promoción pública da súa propiedade.
Axudas de índole social
Igualmente, o IGVS convocou nos últimos días outros programas de subvención de carácter social, como as axudas ao alugamento (publicadas no DOG do 18 de maio); axudas para as persoas adquirentes, adxudicatarias ou promotoras individuais para uso propio de vivenda (DOG do 24 de maio); subvencións do programa Rehaluga dirixidas ás persoas propietarias ou usufrutuarias das vivendas en trámite de incorporación no marco do Programa de vivendas baleiras (DOG 29 de maio); as subvencións do programa de rehabilitación de infravivendas (DOG 30 de maio); ou as axudas ás comunidades de propietarios para a reparación, a rehabilitación ou a adaptación de edificios de vivendas protexidas (DOG 6 de xuño).
Nos vindeiros días publicaranse no DOG novas ordes de axudas.
Os detalles das distintas axudas pódense consultar nos seguintes enlaces:
DOG 18 de maio: http://www.xunta.gal/dog/Publicados/2017/20170518/AnuncioG0423-080517-0001_gl.html
DOG 24 de maio: http://www.xunta.gal/dog/Publicados/2017/20170524/AnuncioG0423-190517-0002_gl.html
DOG 29 de maio: http://www.xunta.gal/dog/Publicados/2017/20170529/AnuncioG0423-240517-0001_gl.html
DOG 30 de maio: http://www.xunta.gal/dog/Publicados/2017/20170530/AnuncioG0423-160517-0005_gl.html
DOG 6 de xuño: http://www.xunta.gal/dog/Publicados/2017/20170606/AnuncioC3Q2-260517-0002_gl.html
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
