Lugo, 12 de xuño de 2017. O Presidente da Deputación, Darío Campos Conde, o Deputado da Área de Xestión Territorial, Manuel Martínez Núñez, e o Tenente de Alcalde da Pontenova, Francisco Martínez, supervisaron os traballos de mellora dun treito de 11 quilómetros da estrada LU-P-1904, que une o Concello da Fonsagrada, enclavado na Comarca da Montaña, co da Pontenova, na Mariña. O Goberno da Deputación inviste nestes traballos preto de 300.000 euros.
Os traballos de mellora nesta estrada abranguen desde o quilómetro 16 ata o 27 do seguinte xeito: asfaltado con aglomerado en quente dun treito de 4 quilómetros, entre o punto quilométrico 16 ata o 20, e pintado nun treito de 11 quilómetros, entre o quilómetro 16 e o 27, así como a limpeza de cunetas. Concretamente este vial comprende as parroquias de Vilaoudriz, Aldeguer, Neipín, Vilarxoane e Sanxés.
Campos Conde e Martínez Núñez explicaron que esta obra beneficia directamente aos máis de 6.000 veciños destes dous concellos rurais. Ademais de mellorar a comunicación viaria entre as dúas comarcas, o Presidente da Deputación lembrou que “co pintado e co novo firme mellórase a seguridade nunha zona pola que circulan moitos veciños e que está moi afectada pola néboa”.
Manuel Martínez asegurou que estes traballos de mellora “enmárcanse na política do Goberno da Deputación para atender a rede viaria da provincia, que é unha das extensas de España con 4.300 quilómetros. Nesa política estamos e o esforzo que facemos estase a ver nas estradas”
Con esta obra dáse resposta a unha demanda de todo o tecido asociativo, veciñal e empresarial destes Concellos, que clamaban por unha estrada fiable e segura. Hai que remarcar que este vial é moi utilizado por todo o sector da transformación da madeira destas zonas, actividades cunha intensa actividade económica.
Á espera de que a Xunta arranxe o seu treito da estrada
O Presidente reclamoulle á Xunta de Galicia que arranxe o treito de 5 quilómetros da estrada LU-741, de titularidade autonómica e que enlaza directamente coa LU-P-1904, impedindo a finalización dos traballos de mellora desde a saída da Pontenova.
A estrada presenta graves deterioros no firme, unha situación que empeorou nos últimos anos. Campos Conde subliñou que “na zona hai varias empresas con moita actividade diaria o que prexudica, polo tanto, a economía do Concello da Pontenova”, polo que lle esixe á Xunta o seu arranxo de inmediato.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
