Lugo, 15 de xuño de 2017.- A Consellería de Economía, Emprego e Industria, a través do Igape, achegará mañá venres as axudas directas do programa Galicia Emprende aos autónomos e empresarios de Lugo, durante a xornada técnica que se desenvolverá, a partir das 17 horas, na sede da Asociación Provincial Reparación e Venda de Automóbiles e Recambios (APREVAR).
O prazo para a presentación de solicitudes ao abeiro desta primeira convocatoria do programa Galicia Emprende 2017 remata o próximo día 20, e irá seguida doutras dúas convocatorias previstas para este ano, que abrirán o 30 de xuño e o 10 de outubro, respectivamente, para facilitar a preparación e presentación dos proxectos a autónomos e emprendedores.
A Consellería de Economía, Emprego e Industria ten activo, a través do Igape e cunha dotación de 5 millóns de euros, o programa Galicia Emprende para facilitar a creación e a consolidación de novas empresas por emprendedores, autónomos e pemes.
As axudas, de ata 175.000 euros, permitirán apoiar 160 novas empresas, mobilizando 14 millóns de euros en investimentos e facilitando a posta en marcha ou a consolidación de compañías de ata 42 meses en funcionamento.
Ao abeiro do Galicia Emprende apoiaranse proxectos con investimentos comprendidos entre os 25.000 e os 500.000 euros, con axudas cofinanciadas polo Feder que poden cubrir o 35% do investimento no caso das pequenas empresas e o 25% para medianas compañías, priorizando en todo caso o emprendemento industrial.
A través do Galicia Emprende concedéronse o ano pasado apoios a un total de 81 proxectos empresariais cuns investimentos por case 7 millóns de euros e a creación ou mantemento de 235 postos de traballo.
O programa Galicia Emprende compleméntase coas diferentes ferramentas de financiamento do programa Galicia 1000, entre as que se inclúen liñas de préstamos e microcréditos con xuros bonificados, así como o capital risco de Xesgalicia. Entre os instrumentos para impulsar o emprendemento impulsados pola Xunta cómpre salientar tamén a Rede Galega de Mentores, que facilita asesoramento experto gratuíto, ou a Rede de Aceleradoras de Galicia, que nos últimos catro anos facilitou o desenvolvemento de máis de 500 proxectos que supuxeron a mobilización de 14 millóns de euros.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
