Lugo, 27 de xuño de 2017.- O delegado territorial da Xunta en Lugo, José Manuel Balseiro, explicou hoxe que a provincia de Lugo duplicou a cifra de establecementos e prazas de aloxamento no entorno dos Camiños de Santiago dende o ano 2009.
Balseiro destacou “a puxanza que está a adquirir o fenómeno xacobeo na provincia”, e engadiu que “o notable incremento da actividade turística reflicte o efecto dinamizador das rutas e o impulso que supoñen para a economía local”.
En concreto -apuntou-, hai rexistrados 445 establecementos que suman 14.877 prazas nos 24 municipios lucenses atravesados polos Camiños. No ano 2009, a oferta limitábase a 292 establecementos e 7.357 prazas.
O Camiño francés segue a ser o que rexistra os mellores datos; conta con 198 establecementos e máis de 5.800 prazas, triplicando con creces as que se contabilizaban no ano 2009 nos oito municipios polos que discorre: Monterroso, Palas de Rei, Pedrafita do Cebreiro, Portomarín, Samos, Sarria, Triacastela e Paradela.
De todos modos, afirmou Balseiro, “a declaración dos Camiños Norte e Primitivo como Patrimonio Mundial no verán do ano 2015 resultou fundamental no crecemento destas rutas, e fíxose sentir especialmente no Camiño Norte”.
Esta ruta atravesa os concellos de Trabada, Abadín, Barreiros, Begonte, Friol, Guitiriz, Lourenzá, Mondoñedo, Ribadeo e Vilalba, e conta con 132 establecementos e máis de 5.000 prazas (un 40% máis que no 2009).
Polo que respecta ao Camiño Primitivo, suma 113 establecementos e preto de 4.000 prazas, o que representa incrementos do 40% e 43% respectivamente respecto ás cifras do 2009. Esta ruta atravesa os concellos de Baleira, Castroverde, A Fonsagrada, Guntín, Lugo e Palas de Rei.
Neste sentido, cabe lembrar que está moi avanzada a rehabilitación da casa Pasarín, na Fonsagrada, para o seu uso como albergue, grazas a unha intervención na que Turismo de Galicia investiu preto de 530.000 euros e que sumará 42 prazas de aloxamento máis.
O delegado explicou que neste estudo sobre o incremento de prazas non se tivo en conta o Camiño de Inverno porque a súa recente declaración como ruta oficial non permite avaliar o impacto que tivo no sector turístico da zona.
No que vai de ano chegaron a Compostela máis de 106.000 peregrinos, o que supón máis dun 10% máis que no mesmo período do ano pasado, co que se mantén a tendencia á alza dos últimos tempos a piques de rematar o primeiro semestre do ano. Cabe subliñar que máis dun 65% dos peregrinos recibidos ata o momento foron estranxeiros.
Por itinerarios, o Camiño Francés continúa á cabeza no número de peregrinos recibidos, con máis do 61%. Elixiron o Camiño Norte case o 5% dos peregrinos e o Primitivo máis do 4%.
Así mesmo, nos primeiros cinco meses do ano o punto de información do Cebreiro, na entrada do Camiño Francés en Galicia, recibiu 6.465 visitas. No caso do centro do Camiño Primitivo, localizado na cidade de Lugo, a cifra de persoas atendidas foi de 2.958. Mentres, o Centro de Interpretación do Camiño Norte, no concello lugués de Mondoñedo, contabilizou 1.557 visitas.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
