Lourenzá, 8 de xuño de 2017. O equipo de goberno do Concello de Lourenzá denuncia publicamente as mentiras da voceira municipal do Partido Popular sobre a taxa de vados e outros asuntos aos que se referiu nos últimos días.
“A señora Álvarez Chao, coma sempre, intenta atacar ao equipo de goberno manipulando e mentindo aos veciños de Lourenzá. Di que o Concello pretende implantar unha taxa de vados, cando esta taxa xa existe. O único que se pretende desde o Concello é regular unha situación que non se dá en ningún outro sitio e que aparece recollida na ordenanza actual, pola que calquera veciño de xeito particular pode reservar unha praza de aparcamento na vía pública abonando unha simple taxa. ¿Se todos os veciños fixeran uso desta norma, onde se aparcaría en Lourenzá, señora Álvarez? De todas maneiras o Concello convocará aos veciños para explicarlles estas modificacións e presentalas no próximo pleno”, aclaran desde o goberno municipal.
O equipo de goberno tamén explica que “no último pleno o grupo popular rogoulle ao equipo de goberno que empregara as subvencións do Plan Marco para o arranxo de dúas estradas. Sabe a señora Álvarez que, ademais desas dúas, hai outras estradas e camiños no municipio en tan mal estado coma esas. Sábeo porque foi ela quen as deixou así. O que non conta a señora Álvarez, non sabemos se é por ignorancia ou porque non lle interesa, é que a Xunta do señor Feijoo destinou para este ano en Lourenzá a ridícula cantidade de 29.000 euros (69.000 euros o ano pasado), o que significa un 60 por cento menos. ¿Que pretende a señora Álvarez que se arranxe con ese orzamento? Ben estaría que, en lugar de criticar, a voceira popular arrimara o ombreiro e lle reclamara á Xunta un mellor trato para os seus veciños”.
O goberno local engade: “critica a señora Álvarez que a alcaldesa de Lourenzá, xunto con outros alcaldes da provincia, lle reclame á Xunta medidas máis eficaces de emprego. Neste concello temos obradoiros de emprego, pero a outros non llelos concedeu a Xunta. ¿Que hai de malo en ser solidarios e reclamar xustiza para todos?”.
E o equipo de goberno municipal remata aconsellándolle á portavoz do PP que “non minta aos veciños, non intente manipulalos. Colabore, arrime o ombreiro e traballe na mesma dirección ca nós, que non é outra que beneficiar aos veciños e veciñas de Lourenzá”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
