Lugo, 9 de xuño de 2017. O Presidente, Darío Campos Conde, acompañado polos seus compañeiros no Goberno da Deputación, informou este venres sobre as actuacións que o Executivo Provincial achega aos máis de 300.000 veciños dos 67 Concellos con 23,1 millóns de euros do Plan Único para reactivar a economía, o emprego e os servizos sociais no conxunto da provincia. Son 20 millóns do organismo lugués e 3,1 dos municipios.
Campos Conde destacou que “hoxe é un día moi especial para min, para os meus compañeiros e para os veciños da provincia. Levamos meses de intenso traballo dende todos os departamentos da Deputación, colaborando cos 67 Concellos na recopilación de toda a documentación necesaria para poder levar a cabo, no conxunto da nosa provincia, proxectos de 23 millóns de euros”
“Creo que conseguimos os dous obxectivos que nos marcamos con esta programación: dar resposta ás necesidades xenéricas de todos os nosos veciños, intensificando a mellora de dotacións públicas no rural, o emprego e os servizos sociais. É dicir, atender, dende unha Deputación coas persoas, social e rural, o que outras administracións non fan na nosa provincia. Así mesmo, dar unha maior autonomía aos Concellos, como mellores coñecedores das respectivas necesidades dos municipios, á hora de determinar os proxectos a levar a cabo. E segundo obxectivo, reactivar a economía da provincia, priorizando os investimentos e establecendo que os gastos correntes fosen para a contratación de novos traballadores, cos que xerar emprego e prestar servizos sociais”.
13,6 millóns para 266 obras
O Goberno da Deputación leva aos 67 Concellos da provincia investimentos por valor de 13,6 millóns de euros, que representan preto do 70% dos 20 millóns que achega ao Plan Único. Esta cantidade vai a permitir a execución de 266 obras de mellora de prestacións públicas no conxunto dos Concellos, xerando ou mantendo un mínimo de 930 postos de traballo para a súa realización.
Atención a 3.000 maiores
Destínanse 1,8 millóns de euros para o Servizo a Domicilio a persoas non dependentes, ás que non atende a Xunta de Galicia en 66 Concellos da provincia. Este investimento vai a permitir a atención de case 3.000 maiores, así como a contratación de 155 profesionais, que prestarán este servizo. “Polo tanto, xeramos máis emprego na provincia e respondemos ás necesidades dos nosos veciños, que non atenden outras administracións”, apuntou.
470 empregos
A maiores dos 155 profesionais que se contratarán con orzamento destinado ao Servizo a Domicilio a non dependentes, o Goberno da Deputación asumirá con 3,6 millóns de euros que achega ao DEPUEMPREGO os custos da contratación doutros 315 traballadores cos que reforzar os servizos municipais nos Concellos. Deste xeito, xera de xeito directo un total de 470 novos postos de emprego.
Outros 330.000 para o turismo
O Presidente explicou que “a maiores das actuacións que levaremos a cabo no conxunto da provincia a través dos máis de 300.000 euros do Plan Estratéxico de Turismo, dos máis de 100.000 euros para os 4 xeodestinos, dos catamaráns ou doutras iniciativas que estamos a desenvolver na provincia, como o primeiro festival de música internacional que levamos á Ribeira Sacra; colaboramos con 71 citas turísticas e gastronómicas de 52 Concellos, que dinamizan a economía local. Todo isto con outros 330.000 euros do Plan Único”.
119 actividades culturais
Xunto ás axudas de concorrencia competitiva ou as colaboracións co conxunto do tecido asociativo cultural da provincia, a través do Plan Único o Goberno da Deputación achega outros 339.000 euros para o desenvolvementos de 119 actividades culturais en 46 Concellos.
78 actividades deportivas
O Executivo Provincial fixo que a de Lugo sexa hoxe a Deputación que máis inviste en deportes, pois mantén unha grande actividade neste eido e colaboracións con todos os clubs. A través do Plan Único achega outros 242.000 euros para o desenvolvemento de 78 iniciativas deportivas en 42 Concellos.
Plan Único da Xunta en Lugo
Campos Conde destacou que “hoxe demostramos, de xeito significativo, que este Goberno traballa para os máis de 300.000 veciños dos 67 Concellos da provincia. O noso obxectivo, e a nosa obriga, é atender as necesidades de todos os lucenses por igual. Isto é o que deberían facer todas as institucións públicas deste país. Seguimos á espera de que a Xunta de Galicia trate por igual aos veciños de Lugo con respecto aos doutras provincias galegas, e a cada un dos lucenses que viven nos 67 Concellos. Reivindicamos, unha vez máis, unha programación autonómica, totalmente obxectiva, que garanta xustos investimentos públicos para os máis de 300.000 veciños dos 67 Concellos da nosa provincia. Demandamos un plan único da Xunta en Lugo”
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
