O Valadouro (Lugo), 12 de xullo de 2017.- A Xunta de Galicia leva investidos nos últimos meses máis de 1,5 millóns de euros na mellora de servizos e en accións de impulso ao sector primario no concello do Valadouro.
O delegado territorial da Xunta en Lugo, José Manuel Balseiro, ofreceu hoxe este dato no marco dunha visita para supervisar as obras de mellora dos camiños de acceso a Liñarega, A Abelleira e Esteleiro, realizadas ao abeiro do Plan Marco da Consellería do Medio Rural.
Balseiro destacou que a Xunta é a administración que máis inviste no Valadouro. Referiuse ás obras de mellora das infraestruturas, como o conxunto do Plan Marco, ao que se destinan 71.600 euros; obras de camiños secundarios na zona de concentración parcelaria de Frexulfe, con 51.500 euros; ou o reforzo localizado do firme na estrada LU-160, con 25.000 euros de investimento.
O impulso ás actividades agropecuarias evidénciase especialmente nos 870.000 euros distribuídos en axudas FEAGA, destinadas ao apoio da renda dos agricultores, e subvencións para a incorporación de mozos á actividade agraria ou plans de mellora e modernización das explotacións.
A Consellería de Presidencia destinou preto de 180.000 euros ao Centro de Formación en Agricultura Ecolóxica, e tamén sufragou o equipamento do parque infantil da piscina municipal e gastos de xestión do punto limpo.
No eido social, o Goberno autonómico investiu arredor de 330.000 euros a través do servizo de axuda no fogar para persoas en situación de dependencia, concertando prazas coa residencia de maiores da Fundación San Rosendo, o plan concertado e o programa de información xuvenil.
Por outra banda, a Xunta realizou obras na caldeira e a cuberta do CEIP Santa María; dotou de equipamento informático ao Centro sociocultural, xuvenil e da terceira idade Manuel Lourenzo; facilitou a contratación de cinco traballadores ao abeiro do plan Aprol Rural e sufragou un obradoiro de emprego que promoveu o concello xunto co de Foz, entre outras actuacións.
Traballos de mellora de camiños
Polo que respecta en concreto ás obras de mellora de camiños, que visitou onte o delegado territorial, desenvolvéronse no Valadouro dous proxectos. A primeira actuación serviu para reformar o camiño que da acceso aos núcleos de Liñarega, A Abelleira e Esteleiro; procedeuse á mellora da drenaxe das cunetas, bacheo, e reposición do firme con dobre rega asfáltica, entre outros traballos. Así mesmo, executouse unha actuación similar no camiño de acceso a Leirado, O Lagar e A Avilleira.
O delegado territorial sinalou que xa está en marcha unha nova convocatoria de axudas do Plan Marco, e explicou que a finalidade deste programa é mellorar as condicións de vida dos veciños e veciñas do rural a través da mellora das dotacións e das infraestruturas básicas.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
