Ribadeo, 7 de xullo de 2017. A cuarta edición do Ribadeo Indiano da comezo ás cinco desta tarde co redescubrimento da placa na rúa Bos Aires, acto no que participará o embaixador da República Arxentina, Federico García Puerta. Xunto a él estarán o alcalde, Fernando Suárez, e o cronista oficial de Ribadeo, Eduardo Gutiérrez. Durante estes tres días desenvolverase un programa cheo de actividades que o domingo rematarán na parroquia de A Devesa, a máis indiana do concello.
A concelleira de Turismo, Ana Martínez, salientou que “o Ribadeo Indiano pretende algo máis, algo máis importante en certa medida que a propia imaxe de ir guapo. Queremos recordar e, desde logo, rememorar esa parte importante da historia na que tamén se pasou mal, na que a xente cando ten que emigrar e deixar o propio, deixar o que un quere, deixar a terra, xera esa sensación de perda, de nostalxia, do que os galegos chamamos morriña. Esa morriña supoño que en moitas destas ocasións foi a que fixo que non soamente a xente se marchase, non soamente chegase a América, e alí fixese fortuna e se esquecese do que deixaba aquí. Estes indianos, esta xente que tivo a sorte, porque evidentemente non todo o mundo tivo a sorte de facer fortuna en América, pero quen a tivo sempre tivo esa vinculación coa terra e sempre buscou que os que quedaron aquí tiveran tamén mellor vida, igual que a que eles puideron conseguir alén do mar”.
A edil ribadense dixo que “polo tanto o Ribadeo Indiano é festa, festa bonita, moi boa festa, disfrute, diversión, pero tamén é recordo, é historia e posta en valor desde logo dun traballo desa xente que marchou, tanto da que fixo fortuna como da que non a fixo que, por desgraza, foi a maioría. Este ano o Ribadeo Indiano está un pouco dedicado no recordo deses adeuses, desas partidas, deses momentos duros nos que a xente tivo que deixar a súa familia, a súa terra, o pouquiño que tiñan para aventurarse nesa viaxe a terras descoñecidas, na maioría dos casos a pasalo mal. Pero a forza, o carácter, a necesidade dos ribadenses, e por extensión de todo o país, fixo en moitas ocasións que os que quedaron puideran disfrutar dunha vida mellor aquí”.
A responsable de Turismo en Ribadeo quere “convidar a toda a xente, moita xa coñece o Ribadeo Indiano pero a que non, a que se achegue a Ribadeo esta fin de semana a disfrutar”. Ata o domingo desenvolverase un intenso programa de actividades. Haberá música, representacións teatrais, visitas a casas indianas, paseos culturais ou mercado de produtos de ultramar, conferencias, xogos, entre outras.
O programa deste ano céntrase na xornada do domingo en A Devesa, como sinala a concelleira “probablemente a parroquia máis indiana do noso concello sexa a parroquia da Devesa, e polo tanto este Ribadeo Indiano remata precisamente nesta parroquia”.
Ana Martínez detallou que “a partires das dúas da tarde este domingo, no Círculo Habanero, haberá un xantar campestre no que a xente que queira asistir deberá comprar previamente o tícket tanto na Oficina de Turismo como no propio Círculo Habanero. Ás cinco da tarde poderemos disfrutar dun paseo cultural a través da viaxe entre A Devesa e Rinlo vinculando tamén estas dúas parroquias. Ás seis e media poderemos, no mesmo Círculo Habanero, asistir á representación teatral do grupo de teatro Pico do Castro de Foz, e ás oito e media teremos a actuación musical do Coro da Mariña. Para rematar este Ribadeo Indiano no Círculo Habanero disfrutaremos de verbena a partires das nove e media da noite”.
A concelleira de Turismo tivo palabras de agradecemento para tod@s os que implican nesta celebración: “agradecerlle moitísimo á xente que se está implicando en que Ribadeo estea precioso, engalanado, aos comerciantes, aos hostaleiros, á xente voluntaria que colabora con Acisa e co Concello, porque este evento está organizado da man dos comerciantes e do Concello de Ribadeo. Traballar xuntos para que un evento desta categoría sexa un éxito creo que tamén é para salientar. Desexar que a xente que se achegue a Ribadeo disfrute, que o pase ben, que este cuarto Ribadeo Indiano sexa unha lanzadeira para que o seguinte aínda poidamos disfrutalo máis”.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
