Un sendeiro que une dende hai séculos o Porto de Bares con As Pontes. Nesta actividade participarán arredor de 55 persoas, tan soio quedaban media ducia de prazas por cubrir. As persoas inscritas serán recollidas en distintos puntos entre Viveiro e Ortigueira polo autobús disposto por Nordés, escomenzando a xornada cunha visita a un conxunto de mámoas na serra da Coriscada, para despois achegarse a O Abeiro de Mañón, lugar no que Vane Trevín, arqueóloga, impartirá unha charla sobre o Camiño para despois facer unha andaina didáctica de 9 kilómetros por parte do seu trazado. A xornada rematará en Casa Urbano cun xantar elaborado con produtos da bisbarra: Bonito de Burela, Polo de curral, ensalada da horta mañonesa e Requeixo da granxa de Porto Vello. Non dubidamos que todo, non soio a comida, será un pracer para os sentidos.
ÚLTIMA HORA
- O Complexo Deportivo Municipal de Navia inicia este mércores, 16 de setembro, o horario de inverno e a nova programación de actividades
- O sector do aluminio galego, máis protexido tras a votación do Parlamento Europeo
- Rematada a glorieta e o acondicionamento do acceso á Fonsagrada pola estrada autonómica LU-530
- A piscina de Trabada remata unha tempada de tres meses marcada polo récord de visitantes
- O Complexo Deportivo Municipal de Navia inicia este mércores, 16 de setembro, o horario de inverno e a nova programación de actividades
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas. - Nova xornada de convivencia Ribadeo - Loktudi
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi. - María José Gómez asiste á ofrenda da Virxe dos Remedios
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo. - O director xeral de Familia, Infancia e Dinamización Demográfica, Jacobo Rey, asistiu este sábado en Burela á celebración do 25º aniversario do centro San Aníbal da entidade Rogacionistas, un exemplo de traballo e dedicación que os sitúa como unha referencia da protección da infancia e da adolescencia na provincia de Lugo
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar. - A conselleira do Medio Rural destacou en Castro de Rei o peso do sector do ovo en Galicia, con máis de 56 millóns de ducias producidas ao ano, máis de 2 millóns de galiñas poñedoras, 90 explotacións e arredor de 70 centros de embalaxe, todo baixo estándares europeos de benestar e calidade
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei. - O Centro de Formación Ocupacional de Burela acolle un curso de español para persoas estranxeiras
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”. - O vindeiro 26 de setembro celebrarase a Presentación das San Lucas 2026, unha xornada festiva que combinará gastronomía, música e tradición
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
2021 Crónica 3 A Mariña - Implementado por GaliciaDigital