Lugo, 19 de xullo 2017. O Presidente da Deputación, Darío Campos Conde, xunto ao Alcalde de Ribeira de Piquín, Roberto Fernández Rico, informou este mércores sobre o investimento de 750.000 euros, que o Goberno Provincial achegou a este municipio nun ano en impulso do conxunto dos servizos públicos aos veciños. Por exemplo, a dotación dun centro de día, a mellora de estradas, traídas de auga ou alumeados públicos; a prestación de servizos sociais, a xeración de emprego, así como a organización de actividades turísticas, deportivas ou culturais, entre outras actuacións. Campos Conde explicou que foron 330.000 euros do orzamento de 2016 e outros 420.00 deste ano, os que que o Executivo Provincial decidiu destinar para dito fin, “que se enmarca na nosa aposta por unha Deputación coas persoas, social e rural”.
Dos 420.000 euros do presuposto de 2017, o Goberno da Deputación achega case 207.000 á construción dun centro de día na Ribeira de Piquín. Este proxecto conta cun total de 275.000 euros da Deputación, pois o Executivo Provincial destinou uns 70.000 do orzamento provincial do ano pasado.
O Presidente e o Alcalde supervisaron este mércores o edificio da antiga escola do Chao do Pousadoiro, que se vai a rehabilitar para situar na mesma o centro de día. O inicio das obras só está pendente do permiso da Xunta de Galicia. A previsión do Concello é ter esta licencia nas vindeiras semanas para comezar con estes traballos nun mes. Campos e Fernández destacaron que esta dotación social ofrecerá 20 prazas. Neste senso, o Presidente subliñou que “co centro de día reforzamos a necesaria prestación de servizos sociais na Ribeira de Piquín, Concello onde, segundo os último datos do IGE, case o 45% dos veciños superan os 65 anos”.
Máis servizos sociais aos maiores
A día de hoxe, o Goberno da Deputación atende a 7 maiores da Ribeira de Piquín a través do seu Servizo a Domicilio para persoas non dependentes, que ofrece porque a Xunta de Galicia recortou a cero euros a achega autonómica para esta prestación social en todos os municipios de menos de 20.000 habitantes. O Presidente destacou que “levamos investido 45.000 euros no Servizo a Domicilio a persoas non dependentes de Ribeira de Piquín, o que permite aumentar o número de maiores que contan con esta prestación”. O Alcalde apuntou grazas a estes fondos poderán pasar dos 7 usuarios que hai na actualidade a, cando menos, superar os 10.
Máis emprego
Campos e Fernández tamén avanzaron que este ano se crearán máis do dobre de postos de traballo, con respecto ao ano pasado, na Ribeira de Piquín a través do DepuEmprego. É o programa co que o Executivo Provincial xera emprego e reforza a prestación de servizos municipais aos veciños, asumindo os custos laborais de novos traballadores nos 66 Concellos de menos de 20.000 habitantes. O Presidente explicou que “achegamos 80.000 euros a Ribeira de Piquín con este programación para xerar un total de 8 empregos: 3 o ano pasado e 5 este ano”. O Alcalde avanzou que nas vindeiras semanas se celebrarán os procesos públicos e abertos a todos os interesados para a selección destes 5 novos postos de traballo.
Dotacións públicas: traídas, alumeados ou polideportivo
Para melloras nas dotacións públicas, o Executivo Provincial levou nun ano a Ribeira de Piquín 85.000 euros. O Presidente e o Alcalde supervisaron os traballos xa executados con 67.700 euros e que consistiron na mellora das traídas de auga de Lamas e os Cangas onde viven máis de 20 veciños; na reparación do local social de O Chao, dotándoo dun novo tellado, pois estase a rehabilitar para convertelo en centro social; e na dotación de novo alumeado público ao Chao do Pousadoiro, que é a capitalidade da Ribeira de Piquín.
As seguintes actuacións de mellora de dotacións públicas levaranse a cabo con outros máis de 17.000 euros, que o Goberno da Deputación xa destinou, consistirán no acondicionamento do polideportivo, dotándoo de vestiarios e pechándoo. Estas actuacións realízanse co obxectivo de ofrecer aos veciños unhas instalacións públicas nas que poder adestrar, pois os equipos deportivos do Concello teñen que desprazarse a outros municipios para facelo. Por exemplo, o Ribeira FS, que xoga na primeira autonómica de fútbol sala, entre outros.
Turismo: rutas de sendeirismo e presa do Chao
O Presidente e o Alcalde avanzaron que con outros 40.600 euros, que o Executivo Provincial levou a Ribeira de Piquín, se acondicionarán as rutas de sendeirismo Fervenza-Pena dos Portelos e Chao de Pousadoiro-Muíño de García; así como a presa do Chao, un dos emblemas turísticos do Concello. Todo isto “dentro da nosa aposta compartida dende Deputación e Concello polo impulso do turismo como revulsivo económico no rural da nosa provincia. Temos que potenciar os recursos únicos de cada un dos nosos Concellos para xerar riqueza a través do turismo, tal e como recolle o noso Plan Estratéxico de Turismo”, destacou o Presidente.
Melloras de accesos
Son 100.000 euros os que o Goberno da Deputación achegou nun ano á mellora de accesos viarios da Ribeira de Piquín. Campos e Fernández supervisaron hoxe os levados a cabo con preto de 50.000 euros de dita cantidade en vías de 8 núcleos rurais, beneficiando, directamente, aos 160 veciños que viven nos mesmos. Son os de Vilarpescozo, Os Vaos, Cartea, Os Vaos, Boel, As Figueiras, Outariz e Meiori.
O Presidente adiantou que as seguintes actuacións, dotadas de 29.000 euros, levaranse a outros 4 núcleos, nos que viven 100 veciños. Son os de Figueiras, Soutelo, Navallos e Montefurados. O orzamento que destinou o Executivo Provincial é para a pavimentacións dos accesos a ditas localidades. Campos e Fernández explicaron se están a estudar as necesidades do Concello para arranxar máis vías con outros 20.500 euros.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
