Lugo, 19 de xullo de 2017.- A Consellería de Medio Ambiente e Ordenación do Territorio iniciará hoxe distintas tarefas de conservación ao longo dunhas seis hectáreas pertencentes ao Camiño Natural do Cantábrico, no Camiño Natural de San Rosendo e o acceso ao Souto da Retorta.
O delegado territorial da Xunta en Lugo, José Manuel Balseiro, explicou que os traballos desenvolveranse a iniciativa da Dirección Xeral de Patrimonio Natural e servirán para poñer en valor e favorecer o uso e aproveitamento desta ruta de grande interese paisaxístico e ambiental.
Con este propósito a Xunta destinará un orzamento estimado de entorno a 6.000 euros que suporán realizar tarefas de desbroce e control da vexetación nas marxes desta ruta así como a poda de árbores e arbustos naquelas zonas nas que resulte necesario. O apoio da administración autonómica desenvólvese ao abeiro dun convenio co Ministerio de Agricultura y Pesca, Alimentación e Medio Ambiente.
O Camiño Natural Ruta do Cantábrico, que percorre a franxa costeira da Mariña lucense ao longo de 131 quilómetros distribuídos en 6 etapas e 2 ramais, en concreto entre as localidades de Ribadeo e O Vicedo
Este itinerario pódese realizar a pé e en bicicleta o que permite unha interacción co mar, gozando das rías e dos espazos naturais, algún deles como espazos naturais protexidos como a ría de Foz-Masma e a ría de Fazouro, entre outros.
Tamén se prevé actuar no Camiño Natural San Rosendo, itinerario froito da recuperación de 225 quilómetros de vías peonís entre as provincias de Ourense e Lugo. Dividido en tres etapas, o camiño segue o trazado de distintas calzadas romanas, cruza os municipios de Mondoñedo, Lourenzá, Barreiros e Foz.
Finalmente, acometeranse estas mesmas actuacións no acceso ao Souto da Retorta, en Viveiro, tamén coñecido como eucaliptal de Chavín, onde se atopan algúns dos exemplares desta especie arbórea de maior altura e envergadura do continente, como o famoso “avó”, plantado arredor do 1880.
Balseiro asegurou que a medida representa “un beneficio que se manifesta tamén na recuperación paisaxística destes contornas naturais e facilita a recuperación de sendeiros de uso público para o tránsito peonil”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
