Lugo, 10 de xullo de 2017. O Deputado de Turismo, Eduardo Vidal Baamonde, o Alcalde de Alfoz, Jorge Val Díaz, xunto ao Concelleiro de Turismo, Xabier Pardiñas, a outros membros da organización, presentaron este luns a XIX Feira Medieval do municipio, que financia o organismo provincial a través dunha axuda de 2.000 euros para a celebración deste evento. Ademais a Deputación colabora con demostracións de artesanía e oficios tradicionais, a través do CENTRAD.
Vidal Baamonde subliñou que “esta Feira rememora o pasado histórico de Alfoz, e celebrase nun marco incomparable como é a contorna de castelo de Castro de Ouro, polo tanto unha cita ineludible para esta fin de semana, e para coñecer o legado histórico de Alfoz”. Ademais, o Deputado explicou que dende o Goberno da Deputación “na presente anualidade investimos 330.000 euros para a realización de 71 eventos turísticos, feiras e mercados, en máis de 50 Concellos lucenses, cos que dinamizamos a vida dos nosos municipios, especialmente no rural lugués, contribuíndo a impulsar a súa economía e incentivar o turismo”.
O Alcalde de Alfoz convidou a todos os visitantes a achegarse ao Concello durante estes días, e explicou que nesta nova edición destacan entre as moitas actividades a degustación da cea medieval, a celebración dun mercado con produtos típicos da zona recordando a vida no medievo, demostracións de artesanía, cetrería, representacións teatrais, títeres ou torneos ecuestres. Val Díaz agradeceu o traballo de todas as organizacións e asociacións implicadas na organización deste Feira, “sen a axuda desinteresada de todas as persoas que, ano tras ano colaboran, este evento non sería posible”.
Programa de actividades
Venres, 14 de xullo
21:30 HORAS-O Mariscal Pardo de Cela chega a súa fortaleza do Castrodouro para presenciar o desfile de traxes medievais de Reme Espantoso.
A continuación xuízo á meiga Maria Soliña, representado pola compañia de teatro A Adala de Fazouro e a Agrupación de Zumba do Valadouro.
00:00 HORAS- Queimada e conxuro. Escorrentemos as meigas da nosa alma e desfrutemos ao son das gaitas do grupo Leña Verde.
Sábado, 15 de xullo
09:15 HORAS- Ruta de sendeirismo “As fortalezas do Mariscal”, dende a Frouxeira ao Castrodouro, da man de Freixo dos Lobos.
11:00 HORAS- Canta o galo e esperta o Castro. Recende a pan, ecoitase o bater do cicel na pedra e a música da zanfona. Todo esta preparado para volver ao século XV.
11:15 HORAS- Pregón inaugural a cargo de Susi Paz, mentora de ducias de xeracións de rapaces do noso val e fundadora do Grupo Teatral Raiolas.
12:00 HORAS- Pedro Pardo de Cela e Don Fadrique de Guzman, Bispo de Mondoñedo, nomean e bendicen os novos Escudeiros do Castro.
12:30 HORAS- Exhibición de cetrería.
13:00 HORAS-Teatro de monicreques coa obra “Aventura no Castelo”.
13:30 HORAS- Asalto ás tabernas. A tixola da Fonda do Cabaleiro e o forno da Todamira poñen a punto torresnos e chourizos, e viños ata aguantar o asedio.
14:00 HORAS- Tempo para xantar e repousar un anaco degustando os magníficos manxares que podemos atopar nos postos do mercado. Todo isto acompañado de musica de Souto Xímaro.
15:30 HORAS- Chega o monxe menciñeiro do Mosteiro do Freixo, Pedro, con remedios da natureza para toda clase de males.
16:00 HORAS- Tempo para invadir o Prado dos soños e desfrutar cos xogos e desfrutar cos xogos de sempre. Ademais, competicións de tiro á corda, carreiras de sacos e de pipotes.
17:00 HORAS- Exhibición de cetrería.
18:00 HORAS- Ruada da Irmandade de Tambores do Bispo Ramiro II de Mondoñedo.
18:45 HORAS- Torneo de cabalos.
19:30 HORAS- Percura do segredo do Mariscal.
19:45 HORAS- Ruada da Irmandade de Tambores do Bispo Ramiro II de Mondoñedo.
20:00 HORAS- Pausa na Todamira e na Fonda do Cabaleiro para coller folgos.
20:30 HORAS-Teatro. Mircromina Títeres presenta a obra “Gyrovâgus”.
22:00 HORAS- Gran cea medieval. Mazá, empanada, xamón, chourizo, pan e viño.
23:30 HORAS- Escenificación “As sete almas do Mariscal” e Queimada.
00:45 HORAS- Concerto de Zurrumalla.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
