Foz, 1 de xullo de 2017. O Pleno da Corporación de Foz celebrado o pasado xoves 29 de xuño aprobou unha moción de urxencia, presentada polo Bloque Nacionalista Galego e que contou co apoio de Foz Plataforma de Futuro e do PSOE, na que se solicitaba que o Concello de Foz paralizase nos meses de verán as obras que se están executando na Avenida da Mariña ou que, no seu defecto, se continuase co plan de obras previamente aprobado. Unha vez aprobada a moción, o Alcalde de Foz declarou a súa negativa a cumprir co recollido na proposta e confirmou que as obras ían seguir conforme ao novo plan, cuestión que provoca o rexeitamento dos veciños e do comercio da zona, conscientes das grandes dificultades que provoca.
As concelleiras nacionalistas Lorena Seivane e Teresa Rego consideran “unha absoluta falta de respecto á vontade popular expresada no Pleno de Foz pola maioría da Corporación a decisión do Alcalde de non cumprir co mandato do Pleno. Estamos diante dun feito que evidencia a un tempo a prepotencia e a soberbia do Alcalde, así como os compromisos ocultos que este ten asumido cos poderes económicos reais da vila. Son precisamente estes intereses ocultos o que explica que a Castiñeira non lle preocupe o máis mínimo crear graves prexuízos aos 21 comercios que se atopan entre Xoán Montes e a Glorieta de Vilalba, con tal de favorecer os intereses dos dous supermercados que se atopan entre o tramo de García Lorca e Xoán Montes, tramo polo que tiña que continuar a obra e que foi librado das reformas nos meses de verán. É así de simple: para o Alcalde de Foz hai comerciantes de primeira e comerciantes de segunda, para o Alcalde de Foz hai varas distintas para medir aos veciños”.
Lorena Seivane e Teresa Rego afirman “estar diante dun exemplo máis da prepotencia deste Alcalde que se manifestou de xeito claro na xestión desta obra. Primeiro reuniuse tarde e mal cos comerciantes, non permitindo ningún tipo de negociación, até o punto de que, despois de negarse repetidamente a aceptar as súas demandas, opta por unha decisión unilateral que non tivo posibilidade de contraste e de diálogo cos afectados. Posteriormente actúa con feitos consumados, adiantado os prazos das obras no tramo de Xoán Montes e a Glorieta de Vilalba, e, xa por último, como colmo da falta de respecto á opinión dos veciños, declara a súa negativa a cumprir cun acordo maioritario da Corporación Municipal. Foz non se merece un Alcalde con esta actitude e que non coñeza cal é o funcionamento democrático normal dunha administración. O BNG non está disposto a tolerar un día máis un goberno que descoñece o respecto e que é incapaz de dialogar e de chegar acordos, aínda máis cando carece de maioría”.
A moción do BNG recollía un segundo punto tamén aprobado pola Corporación de Foz no que se criticaba a corta das árbores da Rúa Xoán Montes e se solicitaba que o Goberno non procedese a talar as arbores situadas na Rúa Martínez Otero, que, segundo as informacións que manexamos, o Alcalde tamén ten previsto cortar cos mesmos argumentos utilizados para a árbores de Xoán Montes.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
