Ribadeo, 2 de agosto de 2017. Mañá, 3 de agosto, celébrase en Ribadeo a Noite Flúor, organizada por Acisa e enmarcada nas denominadas Noites Cálidas, que daban comezo o pasado 28 de xullo. De novo haberá música na rúa e actividades para os máis pequenos.
Son arredor de 40 os comercios participantes que abrirán as súas portas ata as dez da noite “para captar aos clientes que volven da praia ou a aqueles que saen de bares á tardiña. Haberá ofertas, descontos e promocións especiais e para ambientar estas Noites Cálidas contaremos con diferentes grupos de música, actividades infantís e coa tradicional noite flúor”, segundo explicaba hai uns días David Martínez, presidente da Asociación de Comerciantes, Industriais, Servizos e Autónomos.
Mañá, xoves, dentro das Noites Cálidas celébrase a tradicional Noite Flúor: “a partir das oito da tarde contaremos coa actuación do dúo Upper West Loop no cruce das Catro Rúas; ás nove gozaremos dunha sesión musical a cargo do DJ Cassette na zona vella de Ribadeo, na praza José Mª López. E ese día teremos tamén actividades infantís desde as oito da tarde na rúa Reinante, entre as que podemos destacar un taller que vai impartir María Novo e algunha sorpresa para eles. E ademais o 3 de agosto todos e todas os que o desexen poderán facerse coas pulseiras flúor nos locais participantes nesta campaña”, subliñou o presidente do colectivo, David Martínez, que anima “a toda a xente de Ribadeo e a toda a que nos visita durante o verán para que aproveiten as actividades que van atopar pola rúa e sobre todo os descontos e promocións que lles van facer nos 40 locais que se darán cita nestas Noites Cálidas. Queremos converter nunha festa as rúas durante estas Noites Cálidas”.
Os locais participantes nas Noites Cálidas de Acisa son: Opticalia Ribadeo, Centro Auditivo Global, La Moda Hombre, Bodegas Ribeirao, Modesto G, Xeito Decoración, La Florida, Foto Miguel, Din y Don, Pequerrechos, Mercería Vizcaya, Sanjurjo, Esprit, Lencería Julia, Terra Branca, Tu y Tu, Bora Bora, R23, calzados Menfer, Mercería Torviso, Ginzo, Casa Mengoiz, Gutié, Farfala, Ana Villamayor, Bis a Bis, Boutique Valentina, Boutique Del Río, PC Ribadeo, Mika, Saia, Hola Ola Surf, Hola Ola Street, Glass, Fauna, Sweet Monkey, Coco, Jatay, Anais, La Alianza e Menos Lobos.
Este mércores 3 de agosto, celébrase a Noite Flúor, organizada por Acisa Ribadeo. haberá música na rúa e actividades para os máis pequenos. a cita enmárcase nas denominadas Noites Cálidas
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
