O feminismo, que sempre é de fronteira, pelexa e loita por conseguir igual consideración legal, material e social para os homes e para as mulleres, e cando xa parecía que todo fluía a favor de conseguilo, chegou a perversión do obxectivo. As mulleres incorporánse ao traballo remunerado engadido ao da familia, marido, pais, fillos e ampla parentela, pero compensoulles saír do illamento e abandonar o soño culpable do príncipe azul.
Outro logro de igual categoría foi a liberdade sexual sen temor a derivar en consecuencias non programadas. Pero, que as mulleres, sempre obedientes e subxugadas, puidésen dispoñer do diñeiro gañado e do propio corpo foi o colmo da confusión para os machos educados no secular ordeno e mando patriarcal. Carnet de conducir, coche propio, independencia económica, liberdade de movementos e de elección de parella. O divorcio, ah, o divorcio, vaia puñalada trapera para os irredentos maltratadores, para os dominantes e esclavizadores, acabóuselles a festa.
Por fin, o aborto, a liberdade para decidir ter ou non fillos, cando e con quen. Iso provocou a máis furiosa indignación dos curas e purpurados, das monxas, das vellas, dos meapilas, dos da adoración nocturna, en fin, de todos aqueles que non podían ou non lles estaba permitido telos, ou ben, dos e as conservadores-as que, en caso de infortunio e embarazo inconvenente, co seu diñeiro levan á nena de vacacións para desembarazarse.
Pero a cuestión da responsabilidade dos fillos aínda está por resolver. A dedicación material e afectiva cotiá, as renuncias á propia vida persoal, profesional, de lecer, etc. segue aloxada sobre as mesmas costas. Para as triunfadoras é unha decisión moi difícil. Eles gañaron coa liberación feminina, poden dicir que non se casan, non adquiren compromisos, ou as poñen á firma unha separación de bens, así van facendo o seu patrimonio unipersonal mentres elas merman o seu crecemento profesional parindo, criando, educando e atendendo á prole común. E esto dio un home fillo, neto e bisneto de matriarcas…quizás por eso sempre recordó ser e exercer de faminista con carallo.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
