Burela, 11 de agosto de 2017. Os días 18 e 19 de agosto terá lugar no pavillón Vista Alegre o torneo de fútbol sala Burela Bonita, que contará coa participación de Movistar Inter, Santiago Fútsal, Palma Fútsal e Burela FS. Este torneo foi presentado este mediodía no Concello burelés.
O alcalde, Alfredo Llano, manifestou que “sempre que sexa calquera tipo de deporte que se faga en Burela é moi agradecido. Pensamos que nesa liña se está traballando todo o posible, tanto no fútbol base como no máis profesional, nos torneos de atletismo e en todo aquilo que poidamos beneficiar a todo o mundo que practique deporte. Evidentemente o fútbol sala en Burela está moi presente, é algo que hai que ter en conta porque no concello hai moita afección e tamén é moi boa fórmula para lanzar a Burela a moitos sitios que chega grazas a este deporte. O torneo ven ben no mes de agosto posto que haberá moita xente que pode velo, con catro equipos de primeiro nivel. Vai ser un torneo moi interesante”.
O rexedor burelés quixo “animar a todo o mundo que estea por aquí, ben na Mariña ou de Asturias e a provincia da Coruña que están moi cerca. Invitamos a todo aquel que teña algún tipo de afección e queira ver un fútbol sala de primeiro nivel a que se achegue a Burela estes días”.
Llano agradeceu “á organización que conte co Concello de Burela que, a través da Delegación de Deportes, está facendo un bo traballo para que isto sexa unha realidade. Todo o que signifique poñer en valor o deporte, o Concello de Burela sempre está disposto a elo, se ademais é a través do club de fútbol sala moito mellor. Esperemos que veña moita xente, que teña oportunidade de ver un bo espectáculo, e que se fagan socios do Burela FS”.
Pola súa banda o concelleiro de Deportes, Ramiro Fernández Rey deu “as grazas ao Burela FS por organizar este torneo que penso que lle dá un pouquiño de peso a Burela. Vai ser unha boa oportunidade para ver debutar ao primeiro equipo, e invitar á xente a acudir a este torneo”.
Dende a directiva do Burela FS quixeron “agradecer ao Concello a axuda que nos dá para que o torneo veña para Burela”.
No acto de presentación participaron tamén un dos capitáns do Burela FS, Jorge Matamoros, e o presidente do club laranxa, Manuel Blanco.
O torneo de fútbol sala Burela Bonita celebrarase os días 18 e 19 deste mes no pavillón Vista Alegre. Disputarano o Movistar Inter, Santiago Fútsal, Falma Fútsal e o cadro local
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
