Tardiña do oito de agosto de 2017, en Mondoñedo, na hora en que sobre as vedrañas pedras mindonienses comeza a barruzar o solpor. O sol vaise espindo de entusiasmos febrís e a tarde dilúese en claroescuros sen que a xente que habita as terrazas pareza interesada no que pasa. Unha néboa branca e delicada, que naceu no mar de mañá cedo, brinca desde o Padornelo a Montedarca por enriba do viaduto de Lindín camiño do Fiouco.
Así, mentres a tarde esmorece, saúdo a J. Pedro Gómez, pintor nacido en Viloalle e residente en Madrid. Pedro convídame, co seu falar calmo de ritmo cadencioso, a visitar o interior do Bar Porriño para amosarme os cadros que alí expón desde o 4 de agosto ata o 15 de setembro. É a primeira vez que presenta a súa obra en Mondoñedo e seguramente, é discreto e non exterioriza tales intimidades, sinta a emoción de quen agasalla ao que máis ama co que máis lle gusta facer. Son en total doce obras nas que predomina a acuarela case sempre delimitada pola mestría do debuxante experto con lápis ou pluma e, por tanto, afeito ao trazo delicado e minucioso.
Entre a obra exposta están, como non podería ser doutra maneira, algúns amados recunchos mindonienses como as fermosas e antigas pontes de pedra de Viloalle e Masma, o Pazo de San Isidro e un escudo do pazo bispal. Outras das obras lévannos por paisaxes, marítimas e terrestres, onde a luz se aseñorea da composición ata o punto de substraernos imaxes e intencións que debemos descubrir ao contemplalas. Noutras obras, o pintor recrea estampas que o impactaron por algunha razón, pola luz ou por algún outro motivo. A recomendación é obvia; non deixen de ver esta exposición se teñen oportunidade de pasar por Mondoñedo nestas datas. Non os vai defraudar.
Unha das obras leva por título “Flor de un día” pois aparece en primeiro plano esa flor chamada así pola brevedade da súa existencia. Unha explosión da natureza que apenas dura 24 horas! Mais nesta obra, ademais da flor da marabilla, hai outra imaxe máis discreta ocupando un aparente segundo plano que nos fai pensar en que esa efémera flor non é máis ca un símbolo, unha metáfora de fugaces e humanas aventuras.
Cada obra da ducia que nos ofrece Pedro Gómez ten como detonante creativo unha historia, unha visión ou experiencia que, unha vez desvelada, nos serve de guía ou pasaporte para introducirnos no imaxinario íntimo do artista. A min gustáronme moito estes cadros cheos de luz que insinúan ou transparentan emocións. Mais, de ter que quedar con algún, quedaría co que nos propón unha visión idealizada de Mondoñedo e que se titula “Amencer”, unha obra na que a cidade co seus arrabaldes se nos amosan como un espellismo, unha ilusión óptica fermosa e atrainte que nos convida a paseala e a gozala. Un alborexar, unha arela que, conta Pedro emocionado, pintou desde un lugar da memoria que non pode precisar.
Cando nos despedimos, as sombras xa tomaron posicións a pé de rúa mentres que a lúa, en plenilunio, reflicte con milimétrica precisión a imaxe do fermoso retrato do Mondoñedo que Pedro Gómez dixo soñar!
©Antonio Reigosa – cronista oficial de Mondoñedo
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
