Lugo, 19 de setembro de 2017.- A Xunta de Galicia fomenta a cualificación de traballadores desempregados a través dunha vintena de actividades formativas que desenvolve nos centros que xestiona a Consellería de Economía, Emprego e Industria en Lugo, Monforte de Lemos e Viveiro.
O delegado territorial de Lugo, José Manuel Balseiro, explicou que os participantes que superan estes cursos acceden a un certificado de profesionalidade, que os habilita para exercer o oficio aprendido en todo o Estado.
En conxunto, ofértanse máis de 300 prazas. Os alumnos son seleccionados a través das oficinas de emprego, se ben os traballadores ocupados que estean interesados na materia poden optar ata a un 25% das prazas no caso de que non se cubriran en primeira instancia.
Balseiro informou de que, de cara ao último trimestre do ano, están en marcha dez cursos e outros tres comezarán proximamente.
Así, o Centro de Formación Profesional Ocupacional de Lugo ofertou en total 12 cursos, dos cales aínda hai sete en marcha, nas especialidades de Operacións de fontanería, calefacción e climatización doméstica; Levantamentos e replanteos; Xestión contable e administrativa para auditoría; Sistemas microinformáticos; Docencia da formación profesional para o emprego; Operacións auxiliares de mantemento en electromecánica de vehículos, e Soldadura. Nos vindeiros días dará comezo outra actividade sobre Montaxe e mantemento de sistemas de automatización industrial.
O centro de formación de Viveiro programou seis cursos. Están en marcha os de Mecanizado por arranque de labra, e Levantamentos e replanteos; en outubro dará comezo un sobre Montaxe e Mantemento de sistemas de automatización industrial, e o próximo mes de xaneiro outro sobre Operacións auxiliares de fabricación mecánica. Remataron recentemente os de Montaxe, posta en servizo, mantemento, inspección e revisión de instalacións receptoras e aparellos de gas, e Docencia da formación para o emprego.
Pola súa banda, a Unidade de Acción Formativa de Monforte de Lemos ten en marcha un curso sobre Montaxe de mobles e elementos de carpintería, e rematou este verán dous, sobre Actividades auxiliares en viveiros, xardíns e centros de xardinería, e Arte floral e xestión das actividades de florería.
O delegado territorial destacou que a programación dos cursos “responde a especialidades nas que se aprecia demanda do mercado laboral ou posibilidades de autoemprego”.
Neste sentido, engadiu que os centros de formación ocupacional son “un puntal dentro da formación para o emprego que desenvolve a consellería, que financia ademais os obradoiros de emprego e os 131 cursos AFD, dirixidos prioritariamente a traballadores desempregados, que promoven este ano na provincia concellos, empresas e entidades sen ánimo de lucro”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
