Burela, 7 de setembro de 2017. Máis de 3.500 persoas solicitaron información nas oficinas de turismo de Burela en agosto. O concelleiro Ramiro Fernández Rey cualifica estes datos de históricos e salienta que 1.700 persoas pasaron polo barco museo Reina del Carmen durante o pasado mes.
O responsable da Delegación Municipal de Turismo salientou que “estamos moi satisfeitos co balance turístico no Concello no mes de agosto. Eu penso que estes datos que tivemos neste verán son históricos para o turismo de Burela. Si que é verdade que estamos aínda moi lonxe doutras zonas turísticas da comarca como poden ser outros municipios próximos, pero estamos vendo que o incremento de turistas en Burela é moi importante”.
Ramiro Fernández Rey contou que “neste mes de agosto temos que dicir que tivemos máis de 3.500 visitas na oficina de turismo, concretamente na oficina de turismo foron 3.337 e no punto de atención do Concello máis de 150 consultas de turismo”. Por este orde as comunidades que máis se achegaron a Burela foron Madrid con 1.256 persoas, seguido de Galicia con 354, País Vasco con 302, Castela-León con 299, Cataluña con 233 e Asturias con 247.
O concelleiro engadiu que “os datos do Barco Museo Reina del Carmen tamén son espectaculares, temos un crecemento con respecto ao ano pasado moi importante, e recibimos a 1.737 persoas en agosto. E no que vai no total do ano preto de 4.000 persoas pasaron por este Barco Museo”. En 2016 pasaron polo Reina del Carmen 3.600 visitantes, e de xaneiro a agosto deste ano xa van catro mil visitas.
Fernández Rey declara que “imos seguir traballando na mesma liña, intentando meter a Burela nesa cabeza de turismo na Mariña”.
O edil burelés quixo “agradecer á toda a xente que fixo posible estes datos. Tanto á xente que traballa no Barco Museo Reina del Carmen como aos traballadores que estiveron atendendo a oficina de turismo e o punto de atención turística polo seu esforzo e a súa entrega para que estes datos sexan hoxe unha realidade. Esperemos de cara ao ano que ven, aínda que non vai ser fácil, seguir superando estes datos”.
- Catuxa Salom na Conservera de Viveiro
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick. - O conselleiro de Cultura, José López Campos, e a deputada Iria Castro participaron este venres na XXXV Festa da Filloa de Muimenta, unha celebración declarada de Interese Turístico de Galicia que encheu o recinto feiral Manuel Vila ao longo da xornada
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira. - O Deputado de Medio Ambiente, Carlos López, participou este venres xunto ao Alcalde da Pontenova, Darío Campos, na 46 edición da Festa da Troita
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez. - Ata este domingo celébrase O Festival da Ostra de Castropol
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba. - O Instituto de Estudos Chairegos (IESCHA), coa colaboración do Concello de Vilalba, organiza o acto de presentación do libro Memorias dun porco teixo, de Xosé Manuel Felpeto Carballeira, publicado pola Editorial Tris Tram
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba. - A Vicepresidencia da Deputación apoia a participación do Castro FSF na fase final da Copa da Raíña de Fútbol Sala, que se disputa esta fin de semana en Móstoles
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento. - O Teatro Pastor Díaz de Viveiro acollerá este sábado 2 de maio, ás 20:30 horas, a representación da obra “Los hombres no mienten”, a cargo do grupo local Andanzas
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
2021 Crónica 3 A Mariña - Implementado por GaliciaDigital