Burela 6-9-17. O Pescados Rubén Burela FS superou con nota o primeiro envite en competición oficial cun baile de goles na súa estrea na XXVII Copa Galicia, esta tarde fronte ao Viaxes Amarelle FSF (7-2), abrindo a lata Dany para continuar, por partida dobre, Judith, Cilene e Julia Forsiuk.
Precisou dúas tentativas a contundente Dany no minuto 4 para poñer do lado das laranxas o electrónico; o pau puido repeler a primeira pero da segunda a 3 mariñá soubo recibir e voltearse ante unha porteira adiantada para sentenciar. Con dominio e ataque sen tregua do Pescados Rubén, Tai tivo nos seguintes compases o 2-0 ata en tres ocasións, sen poder finalizar con éxito. Un dos primeiros perigos para Jozi protagonizouno a ex–burelista Dolo (minuto 8), a pase de Inés, con boa resolución da meta brasileira. As locais depositaron a súa fortaleza no xogo de cinco con preto de sete minutos para o descanso –Cilene xa exercera de porteira xogadora no minuto 6- ata que chegou a recompensa. Judith atopou o 2-0 preto do pau, cun preciso pase de Dany, no 17.
Cilene converteuse no revulsivo ofensivo do segundo acto. En tan só un minuto ampliou a fenda ata 4-0, cumpríndose o 24 de xogo. Antes, no 22, Dany salvara o máis que posible 2-1 de Mariña, tras superar a Ana Romero. Antes de chegar ao minuto 30 o Amarelle soñou con meterse no partido grazas aos tantos de Tati e Mariña, pero foi a ucraína, Julia Forsiuk, a encargada de reafirmar a autoridade das de Julio Delgado e Lucas con dúas dianas en tan só 19 segundos. Vista Alegre vivía unha tarde de dobretes e a novísima Judith non quixo ser menos, anotando o seu segundo no 34; subía o definitivo 7-2. Antes do asubío final, Julia aínda tivo o oitavo, que se estrelou contra a meta Paula.
Próximo rival copeiro
O Pescados Rubén ten previsto completar os compromisos de grupo o 27 de setembro na pista do Valdetires FSF (21.00 horas), á espera da autorización definitiva da Federación Galega de Fútbol.
Ficha técnica
Pescados Rubén Burela FS: Jozi, Dany, Cilene, Judith, Julia, cinco inicial; tamén xogaron Sara Correia, Sofía, Tai, Ana Romero
Viaxes Amarelle FSF: Sandra, Patri, Martica, María, Mónica, cinco inicial; tamén xogaron Mariña, Sheila, Dolo, Inés, Tati, Marta Hermo, Paula
Goles: 1-0, minuto 4, Dany; 2-0, minuto 17, Judith; 3-0, minuto 23, Cilene 4-0, minuto 24, Cilene; 4-1, minuto 29, Tati; 4-2, minuto 30, Mariña; 5-2, minuto 30, Julia Forsiuk; 6-2, minuto 31, Julia Forsiuk; 7-2, minuto 24, Judith;
Árbitros: Menéndez Nistal // Coello Martínez. Por Amarelle amarela para Sheila (minuto 20);
Incidencias: Partido do Grupo 1 da XXVII Copa Galicia disputado en Vista Alegre ante uns 400 afeccionados/as.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
