Mondoñedo, 7 de setembro de 2017.- Mondoñedo dá comezo este venres ás festas patronais de Nosa Señora dos Remedios coa celebración da terceira edición da Festa da Xuventude, que terá lugar a partir das once da noite na Praza do Concello da cidade.
O programa Festa da Xuventude, organizada polo Concellería de Xuventude, reúne sobre o escenario ao artista revelación Borja Rubio e ao grupo de alumnos da Escola de Música de Mondoñedo composto por Alex Barreira, Sara Pena, Belén Ramos e Pablo Maseda. O cartel complétase cos djs mindonienses Vitor Pumariño e Leivas e máis co pontevedrés AR3S.
Tamén mañá venres, previo á celebración da Festa da Xuventude, ás 19.00 horas será o disparo de potentes bombas anunciando o inicio das festas; e trala celebración, ás 19.30 horas, da misa da penúltima Novena dos Remedios; haberá ás 21:00 horas un concerto da banda de música Sons e Soños na Praza da Catedral, que actuará conxuntamente coa Banda Municipal de Música Pascual Veiga. En caso de mal tempo, o concerto trasladarase ao auditorio municipal.
Durante hoxe xoves e mañá venres terá lugar tamén unha xornada de convivencia das Escolas Municipais de Música de Rábade, Begonte, Outeiro de Rei e Mondoñedo.
Sábado, día 9
O programas das festas de Nosa Señora dos Remedios, que este ano organiza unha nova comisión de festas formada por catro membros en colaboración co Goberno local, inclúe para o sábado a sesión vermú a cargo da orquestra Lecer, que poñerá a música durante a noite na Alameda dos Remedios xunto a Montreal.
Durante a tarde do sábado, entre as 17:00 e as 21:00 horas, no auditorio municipal desenvolverase a xornada TEDx Mondoñedo (TEDxMondonedo.com); ademais a partir das 17:30 horas, haberá xogos populares na alameda dos Remedios. Xa ás 19:30 horas, ofrecerase a última novena da Nosa Señora dos Remedios presidida polo Sr. Obispo de Mondoñedo Ferrol, Don Luís Ángel de las Heras.
O programa das Festas Patronais de Nosa Señora dos Remedios inclúe a VII Xuntanza de Cantos de Taberna Cidade de Mondoñedo, que dará comezo o sábado ás 20:00 horas. A saída terá lugar dende a Praza do Concello e percorrerá, baixo a organización de Gaita Escola, os locais de hostalería da localidade.
Domingo día 10
O domingo día 10, ás 11:00 horas, o lanzamento de foguetes anunciará o día grande da patroa. Ás 11:30 horas, sairá a comitiva da Casa do Concello cara o Santuario de Nosa Señora dos Remedios, acompañada pola Banda Municipal de Música para asistir á misa de Ofrenda á Virxe dos Remedios, que será ás 12:00 horas, e que este ano presentará a alcaldesa de Mondoñedo, durante a misa presidida polo bispo de Mondoñedo-Ferrol e cantada polo Coro Mindoniense. Seguidamente celebrase a procesión, acompañada pola Banda Municipal de Música.
A música virá da man de Salsarena durante a sesión vermú, que amenizará a noite xunto a orquestra Claxxon.
Durante a tarde do domingo tamén terá lugar un partido de fútbol no Campo Municipal Viñas da Veiga entre o Mondoñedo F.C. e o S.D. Candelaria.
Luns día 11
As festas prolongaranse ata o luns día 11, coa celebración ás 12:30 horas da Misa de Cofrades, cantada polo Coro Mindoniense e ás 13:30 horas, dará comezo a orquestra Alma Latina.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
