Lugo, 19 de setembro de 2017. O Presidente da Deputación, Darío Campos Conde, informou este martes que o Goberno Provincial dotou dun novo centro de día á Asociación de Axuda ao Enfermo Mental A Mariña, á única asociación que atende a estes pacientes en dita comarca, situado no Concello de Burela. O Goberno Provincial financiou na súa totalidade estes traballos con 40.000 euros, permitindo o traslado deste colectivo a un novo inmoble e mellorando, deste xeito, a calidade de asistencia aos usuarios. O titular provincial supervisou hoxe as actuacións levadas a cabo nestas instalacións, xunto á Deputada de Promoción Económica e Social, Sonsoles López Izquierdo, e o Alcalde de Burela, Alfredo Llano García. Fixérono acompañados pola Presidenta deste colectivo, María Iris Castro Meitín e a Directora, María José Novoa Rodríguez.
Campos Conde subliñou que “coa apertura deste novo centro melloramos a calidade de vida dos usuarios e a prestación de servizos por parte dos profesionais da Asociación, xa que se trata dun local máis céntrico, situado ao lado da estación de autobuses e tren, en planta baixa, con baño adaptado e sen ningún tipo de barreira arquitectónica, pois o antigo centro estaba situado nunha casa de dous andares comunicada por escaleiras e sen baños adaptados, o que prexudicaba o día a día dos usuarios. Melloramos deste xeito a accesibilidade e a integración dos usuarios, facilitando o acceso tanto aos usuarios como ás súas familias, xa que moitos dos pacientes chegan en transporte público”.
Así mesmo, con estas obras o Goberno da Deputación consegue que as instalacións da Asociación se adapten á Lei 8/1997, de accesibilidade e supresión de barreiras na Comunidade Autónoma de Galicia, así como, ao decreto 35/2000, que regula o desenvolvemento e execución desta Lei.
Novo edificio en funcionamento
O novo centro de rehabilitación psicosocial e laboral, que funciona como centro de día, xa se atopa en funcionamento. As obras levadas a cabo neste inmoble consistiron na división dos espazos, e a realización de todos os traballos precisos para o seu acondicionamento e posta en marcha, como os de fontanería, electricidade ou pintado dos diferentes espazos. Cómpre subliñar que, ademais da achega de 40.000 euros para financiar estas obras, o Goberno da Deputación colabora con este colectivo cunha axuda de 5.000 euros para sufragar os gastos de funcionamento deste centro de día.
A posta en marcha deste novo centro rehabilitador, permitirá que as persoas afectadas poidan recuperar ou adquirir aquelas habilidades psíquicas, emocionais, sociais e intelectuais que cada unha necesita para vivir, aprender, traballar e relacionarse na comunidade co maior grao posible de autonomía e independencia, en igualdade de condicións de accesibilidades entre eles.
Encontro cos usuarios
Campos Conde e López Izquierdo mantiveron un encontro cos usuarios do novo centro, onde puideron coñecer algúns dos talleres que se imparten como o de Lavandería Industrial. Así mesmo, o Presidente recibiu unha placa artesanal, feita polos usuarios da Asociación, como agradecemento.
A continuación, o titular provincial e a delegada da Área de Benestar desprazáronse á residencia da Asociación no Concello de Cervo, onde percorreron as instalacións acompañados polos pacientes. Estas instalacións tamén foron adaptadas no ano 2013 grazas a unha achega de 225.000 euros do organismo provincial.
Servizos da Asociación
A día de hoxe, a Asociación de Axuda ao Enfermo Mental A Mariña é a única entidade que traballa en prol dos dereitos e a mellora da calidade de vida das persoas con enfermidade mental e das súas familias na Mariña Lucense, atendendo a familias de 16 Concellos desta comarca: O Vicedo, Viveiro, Xove, Cervo, Burela, Foz, Barreiros e Ribadeo, e no interior Ourol, Alfoz, O Valadouro, Lourenzá, Mondoñedo, Trabada, Riotorto e A Pontenova.
En total, conta con tres centros especializados en Burela, onde atende a 25 usuarios; Ribadeo, onde presta servizo a 20 pacientes; e Cervo, municipio no que se sitúa a única residencia para enfermos mentais da provincia de Lugo, e que conta con 21 usuarios na actualidade. Cómpre subliñar que tan só hai 4 residencias que presten este servizo en toda Galicia, ademais da de Cervo, atópanse as de A Peroxa (Ourense), Cee (A Coruña), e Vilagarcía de Arousa (Pontevedra).
18 anos de atención a pacientes e familiares
Asociación de Axuda ó Enfermo Mental “A Mariña” é unha asociación de axuda ó enfermo mental que se fundou en 1999 por familias afectadas pola problemática da enfermidade mental unidos por un obxectivo común: acadar que ós enfermos mentais e ás súas familias se lles preste unha axuda e asistencia continuada, buscando a integración dos mesmos na sociedade e na vida da comunidade, e fixando como obxectivo prioritario a súa rehabilitación psicosocial e laboral.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
