Lugo, 14 de setembro de 2017. O Deputado de Deportes, Pablo Rivera Capón, xunto ao Concelleiro de Deportes de Lugo, Miguel Fernández Méndez, o Presidente do CB Breogán, Suso Lázare Rincón, e o Presidente da Asociación Xuvenil Sagrado Corazón, Rubén Engroba, presentou este xoves no Pazo de San Marcos o IV Torneo Lugo é Basket, que terá lugar o venres 15, sábado 16 e domingo 17 de setembro, no Pazo dos Deportes da capital luguesa. Prevese que asistan aos encontros ao longo da fin de semana unhas 4.000 persoas.
O organismo provincial colabora coa Asociación Xuvenil Sagrado Corazón na organización desta cita, que reunirá aos tres equipos galegos da Liga Española de Baloncesto Ouro: o Leyma Basquet Coruña, o Club Ourense Baloncesto e o anfitrión, o Cafés Candelas Breogán, cunha achega de 3.000 euros. A cuarta edición do Torneo Lugo é Basket tamén conta co apoio do Concello de Lugo.
Rivera Capón subliñou que “é unha oportunidade única para que os afeccionados ao deporte da canastra poidan gozar durante a fin de semana dalgúns dos xogadores de referencia da categoría LEB Ouro, reunindo na nosa cidade aos tres equipos galegos da elite do baloncesto nacional. Por iso, quero convidar a todas as persoas a que se acheguen a presenciar os encontros, como antesala do inicio da temporada regular”.
Pola súa parte, Miguel Fernández engadiu que “Lugo é unha cidade, unha provincia que respira baloncesto, contando cunha das mellores afeccións de España, por iso no é de estrañar a grande expectación creada en torno a esta cuarta edición do Torneo. Gracias a Asociación Xuvenil Sagrado Corazón, as tres afeccións galegas da LEB OURO, demostrarán ao mundo do deporte a boa sintonía e confraternidade reinante entre eles. Polo que, dende o Concello de Lugo quero convidar, non só á afección de Lugo, senón á de Ourense e A Coruña, á de toda Galicia, a que veñan gozar dunha fin de semana de bo baloncesto”.
As entradas para presenciar os encontros terán un prezo de 5 euros, e tamén haberá a posibilidade de mercar un bono para os tres encontros por un prezo de 10 euros. Os menores de 11 anos poderán acceder ao Pazo totalmente de balde. As entradas xa se atopan á venta en Élide. Máis información en ajsc_lugo@hotmail.com ou na conta de Twitter @AXSC.
Programa de encontros e actuacións
Venres 15
20:45 horas. Leyma Basquet Coruña – Cafés Candelas Breogán
Sábado 16
19:00 horas. Club Ourense Baloncesto – Leyma Basquet Coruña
Domingo 17
18:00 horas. Cafés Candelas Breogán – Club Ourense Baloncesto
19:45 horas. Entrega de trofeos
O torneo poderase ver por streaming na súa totalidade nunha canle de Youtube que se habilitará para este fin. Ademais, haberá animación con speaker, estatísticas oficiais e actuacións variadas, cos grupos Gravitty e Perkusiona, ambos de Lugo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
