Viveiro 4-10-17. O Concello leva anos sufrindo as accións incívicas dos cidadáns que veñen depositando materiais de distinto tipo en vertedoiros ilegais, principalmente no antigo vertedorio da Insua e no exterior do Punto Limpo; isto implica un importante risco dende o punto de vista medio ambiental e conleva un elevado custe para as arcas municipais, que cada pouco tempo teñen que asumir a limpeza de ambos espazos.
Dende o Concello quérese facer un chamamento á cidadanía co fin de concienciar aos veciños para poñer fin a estes vertidos, advertindo que ambos espazos están sendo especialmente controlados por Axentes do Seprona e Vixiantes da Consellería de Medio Ambiente, que veñen remitindo a este concello as actas correspondentes cada vez que se detecta un novo vertido. A Lei 10/1998, de 21 de abril, de Residuos contempla elevadísimas sancións para este tipo de infraccións, que se cualifican de grave ou moi grave en función do tipo de residuo.
O pasado luns detectouse un novo depósito de materiais na porta de acceso e nos exteriores do Punto Limpo; unha parte deste material xa foi retirado e o máis voluminoso será recollido proximamente, sendo preciso, para isto, a contratación dun camión pluma. Cómpre destacar que o lugar no que apareceron estes restos se limpou totalmente a pasada semana, contratando, tamén, un camión pluma e destinando a tres operarios que empregaron varias xornadas en retirar o lixo acumulado (Axúntanse fotografías do lugar antes da limpeza; do estado no que estaba a semana pasada, despois da limpeza; e dos restos aparecidos este luns)
Lémbrase que o concello dispón dun Punto Limpo totalmente gratuíto no que os veciños poden depositar os seus enseres (o Punto Limpo está aberto de luns a sábados no seguinte horario: luns, martes, xoves e venres, de 10:00 a 14:00 e de 16:00 a 19:00 horas; mércores, de 9:00 a 14:00 e de 16:00 a 18:00 horas; e sábados, de 10:00 a 14:00 horas); o concello tamén ofrece un servizo semanal de recollida de enseres a domicilio, do que se pode facer uso chamando previamente ás oficinas municipais. Ademais, os técnicos municipais ofrecen todo tipo de asesoramente e información sobre as condicións do punto limpo, sobre a normativa que regula cada tipo de residuos, como actuar en cada caso, etc.
Finalmente, dende o concello laméntase profundamente o deterioro ao que se ve sometido o noso entorno natural e as nosas rúas por este tipo de comportamentos, tendo en conta, ademais, que existen os medios necesarios para que cada cidadán poida xestionar de forma correcta e acorde á lei os seus residuos; e pídese, unha vez máis, a colaboración cidadá para erradicar estes e os demais puntos de vertidos existentes.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
