Burela, 6 de outubro de 2017. O equipo de goberno organizará no mes de novembro unha homenaxe a Ramón Vázquez Andrade, concelleiro de Festexos falecido hai uns días. O alcalde, Alfredo Llano, lembra a súa participación en diferentes comisións e asociacións da vila, así como a súa actividade como sindicalista. Ademais mañá, sábado, ás 17:00 horas na igrexa parroquial de Burela, oficiarase unha misa á que asistirán os seus compañeir@s do equipo de goberno, amigos e veciñ@s para honrar a súa memoria.
O rexedor indicou que “despois de ter o sentimento de perder a un bo compañeiro, tanto amigo como compañeiro, da agrupación socialista e do grupo municipal do Concello de Burela, Ramón Vázquez Andrade, estamos xa en contacto coa familia e os compañeiros para facer unha homenaxe máis adiante, a ver se é posible xa no mes de novembro. Será unha homenaxe civil na que poida participar todo o mundo porque hai que lembrar que Andrade estaba moi relacionado con moitas asociacións. Era sindicalista, estaba metido en política, pero andaba colaborando en todo aquilo que era bo para o pobo. Eu creo que entre todos debemos lembrar á súa memoria e recoñecer todo o que fixo en Burela. Imos facer un acto civil posiblemente no mes de novembro onde estará invitado todo o mundo, e desde logo aquelas asociacións e agrupacións nas que estivo dalgunha maneira colaborando”.
Ademais o alcalde burelés anunciou que “mañá imos asistir a unha misa que terá lugar ás cinco da tarde na igrexa parroquial para dedicarlla á súa memoria. Farémoslle esa homenaxe en principio, dedicada tamén á súa familia, e estaremos alí toda a xente que queira asistir. Quero invitar a todo o mundo que desexe acudir e dalgunha maneira que se recoñeza a súa memoria”.
O equipo de goberno burelés prepara unha homenaxe a Ramón Vázquez Andrade. Será en novembro, segundo Alfredo Llano. Este sábado oficiarase unha misa na súa memoria na igrexa parroquial
Relacionado
-
O Festival da Terceira Idade de Alfoz homenaxeará ás persoas de máis idade e aos matrimonios que cumpren 50 anos
-
O PP de Barreiros acusa ao goberno local de parálise urbanística e de traballar aínda sobre documentación de 2018
-
Alfoz activa unha nova edición de ActivaMENTE para promover o envellecemento saudable
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
