Foz, 6 de outubro de 2017. O Concello de Foz acaba de mercar 15.000 metros cadrados de terreos onde se atopa o castro de Lelle ou das Engrobias, moi cerca da Basílica de San Martiño. O alcalde de Foz, Javier Jorge Castiñeira, explica que o obxectivo é seguir potenciando ese lugar como atractivo histórico e turístico. A compra supuxo un investimento de 90.000 euros.
Javier Castiñeira anunciou hoxe que “o Concello de Foz e os propietarios das fincas vimos de firmar un compromiso e acordo de compra cos propietarios para adquirir o Castro de Lelle, ou Castro das Engrobias, en San Martín de Mondoñedo”.
O rexedor focense subliña que “é un castro moi importante para o noso concello porque ademais de ser un dos múltiples castros que temos, este en concreto está moi cerca da Basílica de San Martiño de Mondoñedo, a menos de 500 metros, e o obxectivo con esta compra é que o Concello trate de seguir potenciando San Martiño como conxunto histórico e turístico, con ese gran potencial que realmente ten”.
Castiñeira lembra que “coas actuacións que se están facendo, primeiro co servizo de guía turístico que leva funcionando uns anos e estanos permitindo subir exponencialmente as visitas, pasando neste verán de máis de 18.000 persoas, e co centro de interpretación, que se está rematando nestas semanas e que moi probablemente estea hábil xa a primeiros do ano que ven, e xunto co Castro de Lelle co obxectivo de preparalo tamén para que poida ser visitado, imos ter un conxunto histórico turístico moi potente”.
O alcalde declara que “este desembolso de 90.000 euros vai dentro do financiamento do Plan Único que está permitindo, grazas ao acordo de todos os grupos provinciais, que todos os concellos teñamos un reparto obxectivo e poidamos dedicalo ás nosas necesidades. As fincas que se adquiren andan arredor duns 15.000 metros cadrados e engloban os 6.000 metros cadrados onde está o amurallado, as construcións soterradas e parte das engrobias, o que comunmente se chama foso, porque ten varios fosos, xa que é un castro bastante singular”.
Javier Castiñeira sinala que “o seguinte paso é formalizar a compra na Notaría e que este castro pase a titularidade municipal para poder poñelo en valor o antes posible e que a xente poida visitalo nas mellores condicións”.
O Concello de Foz comprou 15.000 metros cadrados de terreos do Castro de Lelle, en San Martiño
Relacionado
-
O Festival da Terceira Idade de Alfoz homenaxeará ás persoas de máis idade e aos matrimonios que cumpren 50 anos
-
O PP de Barreiros acusa ao goberno local de parálise urbanística e de traballar aínda sobre documentación de 2018
-
Alfoz activa unha nova edición de ActivaMENTE para promover o envellecemento saudable
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
