Lugo, 2 de outubro de 2017.- O Grupo Provincial do Partido Popular censura que o Portal de Transparencia da Deputación de Lugo estea “obsoleto” e inclúa, segundo denuncian dende o PP, información “incompleta e sen actualizar”, pese a a que se levan investido máis de 24,4 millóns de euros no Programa Innovate.
Para os populares, a Deputación de Lugo non é exemplo de administración transparente tal e como demostran os feitos e por iso lle recomendan ao Goberno socialista da institución lucense que tome boa nota e aplique as indicacións dos expertos que participarán no VII Encontro Provincial de Cooperación e Asistencia aos Concellos, que nesta edición versará sobre transparencia e acceso á información e cuxa convocatoria se publica hoxe no BOP.
O Grupo Provincial do Partido Popular, que valora de xeito moi positivo a temática sobre a que se centra a xornada do encontro provincial de cooperación deste ano, lamenta que dende a Deputación de Lugo non sexan quen “nin tan sequera de actualizar o contido do seu propio Portal de Transparencia”.
Así, os populares pídenlle ao presidente e ao seu equipo de Goberno, que se apliquen a normativa vixente xa que na actualidade a Deputación de Lugo non cumpre coa Lei de Transparencia nin coa lexislación aplicable.
Dende o Grupo do Partido Popular tamén reproban a inexistente implicación do Goberno socialista lucense á hora de promover accións de transparencia na institución provincial, xa que, segundo o PP, “estamos ante unha clara falta de vontade, xa que dispuxeron de fondos públicos. É suficiente con recordar os máis de 24,4 millóns de euros que os socialistas na Deputación dirixiron ao programa de novas tecnoloxías Innovate”.
Estado do Portal de Transparencia
Por último, os populares quixeron demostrar o estado no que se atopa o Portal de Transparencia da Deputación, (http://portaltransparencia.deputacionlugo.org/), con información sen actualizar e incompleta, que demostra a absoluta falta de transparencia da Deputación Provincial de Lugo, que dispón dun portal que non cumpre coa finalidade para a que foi creada e suspendendo, polo tanto, de xeito claro no cumprimento dos dereitos que teñen os cidadáns de ter acceso á información.
Así pódense citar exemplos moi específicos; entre eles: o apartado de exposición pública de proxecto, sen actualizar desde o ano 2015; as reunións cos concellos, que non figuran desde o ano 2014 ao igual que o espazo dedicado a participación cidadá; ou incluso o apartado de información económica, presupostaria e estatística que directamente pon: no encontrado.
No apartado publicidade activa:
•Infórmase de que se publica de xeito actualizado e completo a RPT da Deputación, con detalle de retribucións básicas e complementarias de cada posto de traballo e ao acceder o único que figura é o anuncio no B.O.P. 27 de febreiro de 2013 da RPT modificada, inicialmente aprobada por acordo plenario de 27 de novembro de 2012 e definitivamente por acordo plenario de 29 de xaneiro de 2013.
http://portaltransparencia.deputacionlugo.org/documents/10184/43466/0_7783_1.pdf#page=8
•Infórmase de que se fai pública a axenda de actividades, é o último dato que aparece e do mes de xuño.
http://www.deputacionlugo.org/portal_localweb_ag/p_20_contenedor1.jsp?seccion=s_ldoc_d11_v1.jsp&codbusqueda=499&language=es&layout=p_20_contenedor1.jsp&codAdirecto=391&codResi=1
•No que se refire á información económica, orzamentaria e estatística, o último dato que figura é o da modificación das contas do 2016. Non existe información sobre inversión, liquidacións, informes de fiscalización, informes de morosidade, etc, posteriores a marzo de 2016.
http://portaltransparencia.deputacionlugo.org/web/guest/informacion-economica-presupuestaria-y-estadisticas#ejecucion
•En información sobre obras, estruturas e equipación, o último POS publicado é o de 2013
http://portaltransparencia.deputacionlugo.org/es/web/guest/informacion-sobre-urbanismo-y-ordenacion-del-territorio
En gráficos de transparencia:
•Só figuran datos ata o 2015 sobre, entre outros, a débeda pública, o endebedamento e gastos por habitante, mentres que xa non existen gráficos do informe de retribucións, nin dos contratos menores
http://portaltransparencia.deputacionlugo.org/web//guest/visualizador?idIndicador=52&backURL=/es/web/guest/cuadro-de-mando&idioma=es
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
