Esta semana máis puntais do PP son declarados investigados pola xustiza: dous cargos do PP valenciano e Carmen Navarro, a tesorera do PP que faltaba, por financiamento ilegal das campañas electorais a base de cobro de comisións ilegais, blanqueo de capitais e amaño de contratos en administracións públicas, ningún foi detido. Ademais, Alberto Ruíz Gallardón, á investigación por prevaricación e falseamiento de contas no túnel da M30, suma un desvío de 83 millóns de euros a Panamá en connivencia co ilustre preso Ignacio González, non foi detido. Co luxazo de plantel de corruptos que vai engadindo, e os que aínda sairán, non é estraño que o PP con Rajoy á cabeza estea empeñado en axitar a revolta independista de Cataluña. Do mesmo xeito que Franco foi o principal alentador do crecemento de ETA ao perseguir aos vascos ata no seu propio idioma e idiosincrasia, así Rajoy, tan mal gobernante como aveso indolente, no canto de suavizar a controversia, segue quentando os ánimos catalanistas para que non podamos cheirar a podremia interna da súa propia casa. Primeiro non escoita, despois ameaza e agora promueve unha movilización inusitada de axentes de autoridade para facer fronte aos disturbios que lle gustaría ver, a ritmo belicista, moi da dereita española. A soberbia énchelles a boca anunciando o envío de miles de gardas civís, policía e armamento pesado.
Os membros do Govern, exasperados e fóra da lei, arrastran aos cataláns a unha fractura interna e co resto de españois que será difícilmente suturable, pero a resposta de Rajoy non pode ser máis errónea no xefe dun Estado democrático. Meter ao calabozo e sancionar con multas exorbitadas a altos cargos dunha administración pública española é un despropósito cando non hai caso de peligrosidad social. Agora quen nos asusta é Rajoy cos seus xuíces e fiscais adeptos.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
