Balseiro gaba o papel da asociación de hostalería “na defensa dos intereses da provincia a través do fortalecemento do turismo”

O delegado territorial da Xunta, participou hoxe nos actos de conmemoración do 40 aniversario da creación da Asociación Provincial de Empresarios da Hostalería de Lugo e gabou o papel que esta entidade xoga “na defensa dos intereses da provincia, do sector hostaleiro, a través do fortalecemento do turismo e do territorio”. O seu esforzo, engadiu, “ten contribuído a facer un Lugo máis atractivo para propios e visitantes”. Na mesma liña, lembrou que detrás da APEHL está o lema “que nos representa ante o mundo, E para comer… Lugo, que identifica a nosa riqueza e ofrece a imaxe dunha terra que ten moito que ofrecer e confía nas súas posibilidades e na súa capacidade para gañar o futuro”.