Foz, 13 de novembro de 2017. A Casa da Cultura de Foz acolleu hoxe a xornada sobre Networking de innovación, renovación e consolidación comercial, que organizou a Federación de Comercio en colaboración co CCA de Foz e a Xunta de Galicia, a través da Dirección Xeral de Comercio.
A cita contou coa participación de Yolanda Vázquez, CEO da startup Orden es Cambio, que falou da importancia da orde para poder xestionar un negocio e resaltou a colocación dos almacéns, a organización interior dos locais e tamén os escaparates.
Na xornada tamén interviñeron dous técnicos Carmen Pérez, que se centrou na normativa e nas axudas ao pequeno comercio, e José S. Vázquez, que falou da páxina comerciogalicia.es e do sistema galego de fidelización.
O taller foi presentado por José Carlos Paleo, presidente do CCA de Foz e ao mesmo asistiu Luis S. Fernández, secretario xeral técnico da Federación Galega de Comercio e da Federación de Comercio de Lugo.
O obxectivo desta iniciativa pasa por fomentar o emprendemento, o uso das novas tecnoloxías, a renovación e a consolidación comercial.
Este luns celebrouse en Foz unha xornada sobre Networking de innovación, renovación e consolidación comercial. Foi organizada pola Federación de comercio en colaboración co CCA de Foz e a Xunta de Galicia
Relacionado
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
