Burela, 13 de novembro de 2017. O Concello de Burela ven de adxudicar as obras de asfaltado que se acometerán en varias rúas da vila. O investimento finalmente ascenderá a 86.000 euros, o que supón unha rebaixa de máis de 11.000 euros con respecto ao presuposto inicial. Algunhas das rúas que nas que se actuará serán na Avenida da Mariña, nun treito importante, Concepción Arenal, Pardo Bazán e Beiramar.
O concelleiro de Obras, Ramiro Fernández Rey, anunciou este mediodía que “no Concello de Burela vimos de adxudicar unha obra que tíñamos enmarcada no Plan Único da Deputación e referida a asfaltados dentro do pobo”.
O edil burelés subliñou que “é unha obra bastante importante cunha contía tamén importante, xa que o presuposto ascendía a 98.111´57 euros. Finalmente despois da fase de ofertas das empresas saíu adxudicataria unha empresa que ofertou baixando máis de 11.000 euros o prezo de licitación e quedando finalmente en 86.251´74 euros”.
Fernández Rey engadiu que “esta obra tamén levaba encadeado un proxecto de melloras de asfaltado noutras rúas que a empresa tamén accedeu a facelo dentro do mesmo contrato. Esas melloras ascendían a 24.929´91 euros”.
O concelleiro de Obras explicou que “os asfaltados están referidos a varias zonas do pobo, onde víamos que era necesario unha reposición de firme xa que facía moito tempo que non se actuaba nesas zonas. A zona máis importante vai ser a Avenida da Mariña, nun tramo bastante grande, e a obra vai afectar tamén as rúas Concepción Arenal e Pardo Bazán”.
Ramiro Fernández dixo que “dentro do presuposto de melloras tamén imos actuar na rúa Beiramar en dous tramos que están bastante deteriorados, ademais nunha zona de Vilar nun cruce que está en bastante mal estado por unhas obras que fixemos alí e imos intentar deixar o firme ben. Ademais dos asfaltados evidentemente van incluídas no proxecto todas as cantidades que sexan necesarias nese tipo de vías”.
O concelleiro recalca que “foi un aforro importante na licitación con respecto ao presuposto que había de 98.111´57 euros, foi unha baixa importante que aproveitaremos para intentar facer outras obras dentro do Plan Único da Deputación”.
Fernández Rey manifestou que as obras faranse antes do Nadal, se dá tempo, e senón quedarían para despois desas datas “porque o que non queremos é ter as obras cortadas por obras nas navidades”.
O Concello de Burela adxudicou en máis de 86.000 euros as obras de asfaltado que se acometerán en varias rúas da vila
Relacionado
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
