Venres, 24.11.2017. 12:00 horas. Presentación oficial da Mesa Local de Coordinación Interinstitucional contra a violencia de xénero ante os medios de comunicación e a poboación xeral.
Lugar: Salón de Plenos do Concello de Mondoñedo.
¿Que é a Mesa Local de Coordinación Interinstitucional contra a violencia de xénero?
Unha mesa local é un instrumento operativo onde están representados todos os ámbitos municipais implicados, directa ou indirectamente, na loita contra a violencia de xénero, co obxecto de procurar unha maior eficiencia da resposta ante a grave vulneración de dereitos que supón a violencia de xénero.
¿Quen compón a MLC?
No caso do Concello de Mondoñedo, a MLC compóñena, baixo a presidencia da alcaldesa, dona Elena Candia López, a concelleira de Muller, dona Ángeles Rodríguez Rico, membros do Centro de Información ás Mulleres e de Servizos Sociais, representantes dos centros educativos do Concello, da Policía Local, da Garda Civil, do Centro de Saúde e do colectivo de avogados.
Son membros da MLC:
Presidencia:
– A alcaldesa-presidenta do Concello de Mondoñedo, dona María Elena Candia López, que a presidirá.
Vogalías:
– Concelleira de Muller, Benestar e Facenda, dona María Ángeles Rodríguez Rico.
– Centro de Información ás Mulleres (CIM), representado por dona María Carmen Rey Castro (titular) e dona Sonia María Fraga Otero (suplente).
– Servicios Sociais de atención primaria, representados por dona Montserrat López González (titular) e dona Sonia María Fraga Otero (suplente).
– Educadora Familiar, dona María Carmen Bermúdez Palacios.
– Policía Local, representada por don David Cornide Braña.
– Garda Civil, representada por sarxento Agustín Pérez Pérez.
– IES San Rosendo, representado por don Gerardo Novo Rodríguez.
– CEIP Álvaro Cunqueiro Mora, representado por dona María Teresa Freire Sánchez.
– Escola Infantil A Galiña Azul, representada por dona Mónica Alonso Basanta Basanta.
– Centro de Saúde, representado por dona Aida María Basanta.
– Colexio de Avogados, partido xudicial de Mondoñedo, representado por don Adrián González-Seco Fernández.
Secretaría:
– Dona Fátima Rodríguez Moreda, asesora xurídica do CIM de Mondoñedo.
¿Cales son os obxectivos e funcións da MLC?
– Obxectivos:
1. Mellorar a detección precoz de casos de violencia de xénero
2. Optimizar a coordinación dos axentes implicados na loita contra a violencia de xénero.
3. Ofrecer ás vítimas unha atención e resposta áxiles.
4. Mellorar a protección daquelas que presenten alto risco.
5. Informar e sensibilizar na materia tanto aos profesionais como a poboación en xeral.
– Funcións:
1. Determinar criterios para a detección precoz de casos de violencia de xénero.
2. Acordar criterios comúns para a detección e a atención de casos de alto risco.
3. Realizar un seguimento de casos de alto risco.
4. Identificar situacións de posible descoordinación entre os distintos ámbitos e realizar propostas de mellora
5. Poñer en común e avaliar os datos sobre violencia de xénero de cada ámbito de actuación.
6. Impulsar estratexias de sensibilización/prevención.
7. Avaliar os resultados das campañas de sensibilización/prevención realizadas.
8. Manter un contacto fluído co departamento autonómico competente na área de Igualdade e colaborar na difusión das actuacións de prevención de violencia de xénero propostas por este departamento.
¿Cando se constituíu a MLC?
A reunión de constitución tivo lugar o 29 de setembro, tralo acordo plenario de 31 de mazo, e nela participaron a Secretaria Xeral da Igualdade da Xunta de Galicia, dona Susana López Abella e a Xefa da Unidade contra a Violencia de Xénero da Subdelegación do Goberno en Lugo, dona Ana Belén Pacios Rodríguez, quen resaltaron a importancia da coordinación dos organismos oficiais como medio de loita contra a lacra da violencia de xénero. Nesta mesma reunión tamén se indicou que a de Mondoñedo é á primeira MLC constituída da provincia.
¿Como funciona?
A Mesa Local de Coordinación Interinstitucional contra a Violencia de Xénero reunirase de xeito ordinario con periodicidade trimestral, e de xeito extraordinario ou con carácter de urxencia sempre que a situación o requira.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
