O Valadouro 6-11-17. Máis de cento trinta arqueiros galegos de todas as idades daranse cita no Pavillón Municipal dos Deportes do Valadouro para a disputa do Trofeo Federación – Xunta de Galicia. A competición, organizada conxuntamente polo Club de Tiro Castelarco e a Federación Galega de Tiro con Arco, está prevista para o sábado 11 e o domingo 12 de novembro. No trofeo estarán presentes algúns dos arqueiros de maior nivel de Galicia e mesmo está confirmada a participación de arqueiros pertencentes ao Equipo Olímpico Español. A probado Valadouro contará con competencia en cinco divisións diferentes —Arco Espido, Arco Tradicional Longbow, Arco Tradicional Instintivo, Arco Recurvo e Arco Composto— tanto en categoría feminina como masculina. Na tarde do sábado —de 15.30 horas a 20.00 horas— terá lugar a competición nas divisións tradicionais de Arco Espido, Arco Tradicional Longbow e Arco Tradicional Instintivo. Na mañá do domingo —a partires das 9.00 horas— será a quenda das divisións de Arco Recurvo e Arco Composto mentres que, pola tarde, se celebrarán as probas nas categorías para menores de 14 anos. O Trofeo Federación – Xunta de Galicia será a primeira ocasión na que O Valadouro acolla unha competición de sala de carácter oficial válida para o ranking autonómico. A cita organizada polo Club de Tiro Castelarco en colaboración coa Federación Galega de Tiro con Arco e recoñecida pola Federación Internacional de Tiro con Arco (FITA) contará tamén co apoio do Concello do Valadouro, a Deputación Provincial de Lugo e a Xunta de Galicia.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
