Lugo 3 de novembro de 2017. A Deputada de Cultura, Deseño e Artesanía, Pilar García Porto presentou este venres no Círculo das Artes a XXVII edición do Festival de Jazz de Lugo que organiza a Asociación de Amigos do Jazz Escobijazz, e que terá lugar do 11 ao 19 de novembro na cidade de Lugo. Fíxoo xunto a Concelleira de Cultura, Carmen Basadre Vázquez, o Presidente da Asociación organizadora, Alberto Grandío, e o Secretario da Asociación, José Luis Díaz Núñez, así como a Delegada de Cultura na provincia, María José Gómez Rodríguez.
García Porto remarcou que esta nova edición “conta coa participación de 22 bandas do mundo do jazz de primeiro nivel, o que converte á cidade de Lugo nun destino único para desfrutar deste grandísimo xénero musical, e que este ano ademais conta cun destacado protagonismo feminino. O Goberno da Deputación achega 15.000 euros para a realización deste programa co obxectivo de promover eventos culturais na provincia. Facémolo no marco do 1º Plan Estratéxico de Turismo de Lugo, que define estes obxectivos como unha das liñas de actuación para impulsar o turismo e xerar riqueza na nosa provincia”.
Alberto Grandío e Xosé Luís Díaz, membros da Asociación Amigos do Jazz agradeceron a implicación de todos os organismos implicados na realización desta cita, e avanzaron que esta edición “é a máis feminina das que se teñen celebrado ata o de agora, xa que dos 22 concertos presentados, 20 deles serán interpretados por mulleres”. Avanzaron que o cartel deste ano está composto por músicos de primeiro nivel, e que contará con participación galega como María Toro, frautista e compositora que vive en Rio de Xaneiro.
Programación
Círculo das Artes (Escenario 1906).- A entrada a todos os concertos é de 10 euros.
– O sábado 11 de novembro ás 20:30 horas, terá lugar o concerto de Ricca.
– O domingo 12 de novembro ás 18:00 horas, sesión para toda a familia con Por mí, Swing + o sister!.
– O luns 13 de novembro ás 20:30 horas actúa Ingrid Jensen & Christine Jensen Quintet.
– O martes 14 de novembro ás 20:30 horas canta María Toro Project.
– O mércores 15 de novembro ás 20:30 horas turno de Magos Herrera.
– O xoves 16 de novembro ás 21:30 horas actuación de Allison Miller “Boom tic boom”.
-O venres 17 de novembro ás 21:30 horas sesión de Dave Douglas & Chet Doxas: Riverside with special Guest Carla Bley.
– O sábado 18 de novembro ás 20:30 horas, actuación de Charennée Wade.
– O domingo 19 de novembro ás 20:30 horas, toca Melisa Aldana Quartet.
Club Clavicémbalo.- A entrada a todos os concertos será de 5 ou 10 euros.
– O sábado 11 de novembro ás 23:45 horas, actuación do quinteto de Olga Reiznichenko.
– O luns 13 de novembro ás 23:00 horas turno para Leira Castro.
– O martes 14 de novembro ás 22:00 horas, concerto de Pere Navarro Quintento, que será emitido en directo en Radio 3. (concerto de balde)
– O mércores 15 de novembro ás 23:30 horas actuación de Michael Olivera Group.
– O xoves 16 de novembro ás 23:45 horas, turno para Alejandro Vargas Trio.
– O venres 17 de novembro ás 23:00 horas, sesión de Odojazz.
– O venres 17 de novembro ás 23:55 horas, toca Mariola Membrives “Omega 20.16”
-O sábado 18 de novembro ás 23:50 horas terá lugar o concerto de Los hot chocolates.
Vello Cárcere.- A entrada a estes concertos é de balde ata completar aforo.
– O domingo 12 de novembro ás 13:00 horas sesión de Sisters in the house. Organiza a Concellería de Benestar Social, Igualdade e Inclusión do Concello de Lugo.
– O domingo 19 de novembro ás 13:00 horas concerto de EJAZZ, con Carmen Rey, Ángeles Dorrio, Marga Ramos e Betty Queiro.
Ho!Gruf.-A entrada a este concerto é de balde ata completar aforo.
– O sábado 18 de novembro ás 14:00 horas, actuación de Sesión Vermú con Marian Ledesma & Tinaquero Brother.
Casa do Saber.- A entrada a este concerto é de balde ata completar aforo.
-O xoves 16 de novembro ás 20:00 horas sesión con Guillermo Mcgill Quartet
Entradas
O prezo das entradas é de 10 euros (ou 5 para estudantes), e o abono para tódolos concertos será de 60 euros. Os tickets poden adquirise nas mesmas salas dos concertos, ou online, na dirección www.notikumi.com/channel/festival-jazz-lugo.
Lugo, o decano dos que se celebran en Galicia
A Asociación de Amigos do Jazz Escobijazz ten como principal actividade a organización do Festival de Jazz de Lugo. Este festival celebrase en Lugo dende o ano 1991. O festival deu cabida nestes anos, tanto a estrelas e primeiras figuras internacionais como a novos valores do Jazz mundial, o máis destacado do jazz estatal e tamén do mellor jazz galego. Cabe destacar que o Festival de Jazz de Lugo é o decano dos que se celebran en Galicia.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.