SANTIAGO DE COMPOSTELA, 3 de novembro de 2017.- O presidente da Deputación de Lugo non compareceu este venres na Comisión Terceira para dar conta dos Orzamentos que o organismo provincial prevé investir na provincia ao longo do vindeiro ano. Tal e como indicou o deputado autonómico, Daniel Vega, “hoxe a silla do Sr. Campos está baleira, como tamén está na propia Deputación, porque é un presidente ausente”, afirmou.
Deste xeito, o popular denunciou ao comezou da súa intervención que a incomparecencia do socialista supón unha situación atípica e unha falla de respecto ao Parlamento, “que é o máximo órgano de todos os galegos”. Deste xeito, Daniel Vega censurou a ausencia do rexedor provincial, xa que existe un acordo unánime de todos os grupos políticos con representación na Cámara do Hórreo para que todos os titulares das Deputacións de Galicia acudan unha vez ao ano, “nun exercicio de democracia”, a explicar as principais liñas estratéxicas do documento que Orzamentos.
O Sr. Campos estalle faltando o respecto a esta Comisión. Non podemos pretender como prefire rendirlle pleitesía á presidenta da Deputación de Pontevedra e a unha parte do Partido que dar explicacións a todos os lucenses”. Para o deputado autonómico esta incomparencia evidencia “a profunda división interna” que sofre o PSOE, e que quedou perfectamente manifesta ao recoñecer o deputado do Grupo Parlamentario Socialista, Luis Álvarez, que o presidente lucense debería de haber comparecido na Comisión á que estaba convocado.
“Eu prefiro un presidente que rinde contas, un presidente de todos os lucenses e non un presidente que só exerce co carné de militante”; sobre todo, indicou, poque todos os titulares provinciais o fixeron durante os dez útimos anos.
“Sen compromiso para a provincia de Lugo”
“A este Parlamento débeselle un respecto, porque máis alá de ser socialista é o presidente de todos os veciños de Lugo”. E é que para o deputado do PP a ausencia de Darío Campos vén a demostrar que “non ten compromiso coa provincia e, moito menos, un obxectivo claro para a Deputación. Se o tivese, indicou, estaría hoxe aquí para dicirnos que ten pensado facer, por exemplo, coa Granxa Gayoso Castro; por certo, a Granxa das mil primaveras máis, pois cada vez que viñan se anunciaba para a primavera. Agora parece que é para febreiro, polo menos xa adiantaron uns meses”, subliñou con certa ironía.
O secretario Xeral permite o desleixo de Campos
Por todo elo, Daniel Vega recoñece que non comprende como o secretario Xeral permite este desleixo do presidente lucense, “cando a obriga, polo menos moral, era a de estar hoxe aquí, sentado nesa silla e exercer a súa responsabilidade”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.