Ribadeo, 3 de novembro de 2017. O Partido Popular de Ribadeo comeza este vindeiro luns, día 6 de novembro, unha rolda de reunións cos veciños en todas as parroquias do municipio. Nestas xuntanzas participarán os concelleiros do PP e o deputado autonómico ribadense Daniel Vega.
O portavoz do PP en Ribadeo, Jesús López Penabad, anunciou hoxe: “desde o Partido Popular de Ribadeo imos empezar unha rolda de visitas ás distintas parroquias do concello para escoitar de primeira man as necesidades, que sabemos que as hai no casco urbano pero tamén nas parroquias. Queremos estar xunto dos nosos veciños, escoitalos de primeira man e que nos transmitan esas demandas e necesidades que teñan. Sempre falan, e con razón, de que só nos acordamos deles en campaña electoral. Estamos no 2017 e cremos que as necesidades hainas todos os anos. Queremos que nos vexan as caras e que nos digan as demandas reais que teñen”.
Jesús López Penabad engadiu que “estas visitas van empezar o vindeiro luns, día 6, e comezaremos en Piñeira, rematando o día 30 de novembro en Remourelle. Iremos tamén a Couxela, Vilaselán, Santalla de Vilausende, Rinlo, Vilaframil, Ove, Vilela, A Rochela, A Devesa, Noceda, Piñeiro, As Anzas, Covelas, Vilamariz, Arante e remataremos en Remourelle o día 30 de novembro”.
O voceiro dos populares en Ribadeo comentou tamén que “con todas estas visitas queremos achegarnos aos veciños, que nos digan de primeira man o que se necesita e nosoutros expoñerlles o traballo que se leva facendo. Iremos o grupo municipal e o deputado que temos en Santiago, Daniel Vega, para expoñer tamén o que alí se fai e o que se realizou nos últimos tempos e para que escoite tamén as demandas e peticións dos veciños”.
A primeira reunión será en Piñeira este vindeiro luns, día 6, ás 20:00 horas. E as seguintes serán en Couxela o día 9, xoves, ás 21:00 horas; en Vilaselán, o día 13 ás 20:30 horas; en Santalla de Vilausende o mesmo día 13 ás 21:30 horas; en Rinlo, o día 14 ás 20:00 horas; en Vilaframil tamén o día 14 pero ás 21:00 horas; en Ove, o día 15 ás 20:00 horas; en Vilela, o mesmo día 15 pero ás 21:00 horas; na Rochela, o día 16 ás 21:00 horas; na Devesa, o día 17 ás 21:00 horas; en Noceda, o día 23 ás 21:00 horas; en Piñeiro, o día 24 ás 21:00 horas; nas Anzas, o día 27 ás 20:00 horas; en Covelas o mesmo día 27 pero ás 21:00 horas; en Vilamariz, o día 28 ás 21:00 horas; en Arante, o día 29 ás 21:00 horas; e en Remourelle, o día 30 ás 21:00 horas.
O PP de Ribadeo comeza o vindeiro luns unha rolda de reunións cos veciños en todas as parroquias do municipio
Relacionado
-
A conselleira subliña en Meira que a rede de oficinas rurais é “fundamental para quen vive e traballa no rural”
-
O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
-
O PP lucense coincide co sector empresarial na necesidade de adoptar medidas en materia enerxética, da fiscalidade, da innovación e do talento para “favorecer a competitividade da provincia”
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
