Burela 3-11-17. O Pescados Rubén durmirá líder esta noite abrindo a xornada 8 de Segunda LNFS tras impoñerse ao Elche CF esta tarde en Vista Alegre (4-2), esperando o resto dos resultados entre o sábado e o domingo. Os de Juanma Marrube souberon agarrar os tres puntos renunciando un pouco á súa esencia, sen ser eles mesmos, ante un rival que recalaba en Vista Alegre moi motivado, estreando adestrador.
Os mariñáns ofreceron un bo inicio xerando ocasións. Colacha intentou sorprender a Rafa no minuto 4, cun balón desviado; no 5, Chus nun xenial pase de Matamoros tívoa fronte á rede ilicitana pero fóiselle moi alta. Co paso dos minutos o Burela, o xogo laranxa foise diluíndo, perdendo a paciencia e a calma. Álex evitou o primeiro do Elche no 7, co pé ante Josema, cun bo bloqueo da defensa no rexeite.
Corría en minuto 11 cando o Pescados Rubén soubo como adiantarse para recuperar certa calma, nas zapatillas de Luisma en parede con Víctor, tras unha boa recuperación en pista burelista sobre Aitor. Rubi igualou a contenda a falta de dous minutos e medio merodeando pola área, coando o esférico entre a defensa laranxa tras un rexeite e sen presión. Sen resignarse, o Pescados Rubén Burela depositou todas as súas armas en Matamoros, que ofreceu a alegría da vantaxe á bancada, cun disparo desde os 9 metros que desarmou ao sólido Rafa.
O segundo período foi un calco do primeiro, con certa incomodidade dos da Mariña sobre a pista. Aitor viu portería para os de Carlos Sánchez no 27, para subir o empate, a balón parado, tras falta Kelson. Reaccionaron os de Juanma Marrube con dúas envelenadas nos seguintes compases aínda que sen éxito, primeiro Pope e máis tarde Matamoros. Precipitouse entón de novo un pouco o Burela FS. A punto estivo de chegar o 3-2 nas zapatillas de Luisma rozando o pau, no 32, e en menos dun minuto, o Elche puxo en verdadeiros apuros os mariñáns, cun despexe in extremis primeiro de Chus e pouco despois nun rápido roubo de balón.
Insistiu o Pescados Rubén sobre a rede de Rafa. Mata non puido finalizar o pase de Pope no 36, pero si o fixo Hélder, que recibiu moi oportuno fronte a Rafa o balón de Luisma en galopada desde a banda. A falta de 3’47” Aitor liderou o xogo de cinco para o Elche; na primeira acción Pope salvouna baixo paus. Respondeu o Pescados Rubén con Chus como porteiro xogador alternando con Matamoros. Víctor tivo o cuarto a porta baleira restando minuto e medio. Souberon neutralizar o Elche os Juanma Marrube salvando Luisma o empate cun minuto aínda por diante e chegou o definitivo 4-2 para xúbilo da Bancada Laranxa, de novo coa firma de Hélder, que recibiu un pase longo coa rede sen gardameta a 28 segundos para o final.
Ficha técnica
Pescados Rubén Burela FS: Álex, Víctor, Luisma, Chus, Colacha, cinco inicial; tamén xogaron Matamoros, Pope, Hélder, Kelson, Cora
Elche CF Sala: Rafa, Aitor, Rubi, Josema, Kiwi, cinco inicial; tamén xogaron Óscar, Raúl, Samu, Míchel
Goles: 1-0, minuto 11, Luisma; 1-1, minuto 18, Rubi; 2-1, minuto 20, Matamoros; 2-2, minuto 27, Aitor; 3-2, minuto 37, Hélder; 4-2, minuto 40, Hélder
Árbitros: De Juana González // Sánchez Llorente (Cantabria). Por Burela amarela a Kelson (minuto 27), Colacha (minuto 31), Luisma (minuto 39). Por Elche amarela de Aitor (minuto 14), Josema (minuto 25), Rafa (minuto 27)
Incidencias: Partido correspondente á xornada 8 de Segunda LNFS disputado en Vista Alegre ante uns 800 espectadores.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.