LUGO, 28 de novembro de 2017.- O Grupo Provincial do Partido Popular dá o visto prace á proposta relativa á adquisición de compromisos do organismo provincial en relación ao Consorcio Provincial de Bombeiros, valorando así o paso que se dá para mellorar a xestión deste organismo do que dependen 117 profesionais que prestan o seu servizo nos parques da provincia.
Deste xeito, a voceira do PP, Elena Candia, explicou que, malia que este asunto leva enquistado dende o ano 2010 -momento no que o ex presidente da Deputación e o vicepresidente primeiro naquel momento e membro do Bloque Nacionalista Galego, apostaban por unha xestión indirecta para uniformar o sistema que había en todas Galicia-, este Grupo valora agora “este novo paso porque sempre defendemos a mellora do servizo, a equiparación salarial e a dotación de medios”.
Neste senso, Elena Candia apuntou que, por parte da Xunta de Galicia, sempre houbo vontade negociadora, polo que “o argumento de botarlle a culpa non serve”, xa que esta administración investe máis de 2 millóns de euros nos parques. “Nunca nos opuxemos á equiparación salarial, pero si que cremos e defendemos que era importante sentarse para abordar este cambio unilateral da xestión dende que se producía aquel acordo hai sete anos”. Tal é así, indicou a popular, que, “nun exercicio de responsabilidade, esta situación se podería ter solucionado hai polo menos hai 18 meses e evitar 55 notas prensa por parte duns e outros, cando o Grupo Provincial trouxo este asunto ao Pleno e o BNG se puxo de perfil”, remarcou.
E é que, tal e como destacou a popular, o Consorcio nace para materializar que esta é unha competencia propia dos Concellos segundo a Lei de Bases de Réxime Local, poñendo en valor así que a administración autonómica se implicase no financiamento, e convertendo a Galicia na quinta Comunidade de toda España que asume este compromiso. Por tanto, e ante as afirmacións de se a Xunta axuda máis a Ourense que a Lugo neste asunto por parte do BNG, Elena Candia, subliñou que “é importante dicirlle á verdade á xente e non confundir, pois, xa naquel momento, cando ía ao Consorcio o Sr. Bao, a postura do BNG era a dun seguidismo do resto dos grupos políticos, a pesares de ter unha posición de forza para impulsar este cambio”.
Aspectos do informe
Con todo, e no marco dunha postura totalmente positiva e colaboradora para desbloquear este asunto, a voceira do PP instou ao Goberno a traballar na materialización deste acordo e de deixar de utilizar á xente. “Os bombeiros saben que teñen ao carón a este Grupo”, e isto, indicou ao resto de grupos políticos, “quizais sexa o que máis lle doe”.
A popular fai esta demanda aos dirixentes provinciais pois o propio informe, no que se sustenta a proposta, recoñece que a Deputación pode asumir o financiamento, e evidencia a necesidade de que se cubra a praza do xerente creada.
“Cando a Corporación aprobou 300.000 euros para poñer a parte que lle correspondía escoitamos que iso non se podía pagar”, a pesares de que este documento, e así o reproduciu literalmente Elena Candia, [… nada impide que se leven a cabo achegas unilaterais con carácter extraordinario como a que se propón..]. Asemade, apuntou a voceira do PP, “dende o ano 2010 ata o 17 seguimos sen ter un interlocutor, que permitiría que problemas coma este se terminen enquistando e non chegar a onde chegaron e iso é responsabilidade de todos”.
Con todo, e sendo consciente da importancia que supón este acordo e que esta formación política non dubida en apoiar, Elena Candia insiste e valora a circunstancia de que “se dá un paso máis, pois temos que reivindicar que cada veciño teña a 20 minutos este servizo e seguir dotando de medios e impulsar a motivación destes profesionais”.
A voceira popular considera así que se mellorará “o que temos”, grazas en boa medida tamén ás medidas que se auspician dende a Xunta de Galicia, a través do grupo de traballo polas emerxencias, da consolidación e mellora tanto dos GES e dos equipos de Protección Civil, que tamén serven de apoio ao corpo de bombeiros, sendo moitas veces o medio de resposta.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
