Burela 30-11-17. A Organización de Produtores Pesqueiros de Lugo organizou este xoves 30 de novembro unha xornada sobre xestión pesqueira sustentable dirixida a todos os seus socios. O evento, que se presentaba baixo o título de “A importancia do control das cotas”, congregou no salón de plenos de Armadores de Burela a uns 30 socios tanto da OPP como de Absa.
A primeira presentación correu a cargo de Juan Manuel Elices, Xefe de Área da Subdirección Xeral de Control e Inspección da Secretaría Xeral de Pesca, que falou sobre o funcionamento e previsión de implantación da aplicación informática Gestcuotas.
Esta aplicación está pensada para que as asociacións pesqueiras (OPPs) poidan xestionar de forma adecuada as cotas de especies en xestión conxunta (flotas do cerco para xurelo ou xarda, que aínda que son cotas individuais, pódense xestionar de forma conxunta) ou consultar os stocks en xestión conxunta por unha modalidade de pesca ou mesmo entre varias (raia, ollomol, bonito do norte, anchoa, atún vermello), información que ata agora non estaba dispoñible para o sector pesqueiro, o que provocou queixas do sector ante peches de pesqueiras ao descoñecer o nivel de consumos.
Os principais problemas na xestión pesqueira actual dos que xorde a necesidade desta ferramenta son:
• discrepancia entre os datos de declaracións desembarque (datos enviados polo sector) e as notas de venda (proveñen de barcos de menos 10 metros ou das lonxas a través das CCAA)
• atraso na recepción de todas as declaracións en papel, cun atraso medio de 1,17 meses en 2016
• periodicidade na recepción de eses datos.
A entrada en funcionamento desta ferramenta está prevista para o 1 de xaneiro de 2018. É un tema xa tratado e acordado coas CCAA para que, a partir do próximo mes de xaneiro, a recepción dos datos serán en “tempo real”, polo que prevén baixar o atraso na recepción dos datos a só 24 horas. Ademais, para evitar sobrepescas, deseñaron un algoritmo corrector para aplicar sobre o nivel de capturas e poder anticipar o volume consumido de cada especie.
Pola súa banda, Pablo Lafuente, socio da consultora Inxenia, que desenvolveu un software para o control das cotas individuais, defendeu a xestión de datos de capturas para un mellor control.
Esta ferramenta informática (DEO ou diario electrónico para organizacións) xorde da necesidade manifestada desde distintas OPPs de España para levar un control adecuado dos consumos individuais de cota polos propios armadores, así como para un coñecemento da evolución das cotas dispoñibles a partir dos intercambios xerados ao longo dun exercicio.
Segundo Lafuente, as vantaxes deste programa son:
• evita erros manuais na transmisión de datos, xa que non é necesario repicar os datos manualmente de novo ao ser un lector das declaracións efectuadas a través do DEA (diario electrónico que as embarcacións fan diariamente á SEGEPESCA)
• os sistemas de seguridade no almacenamento dos datos, pois están encriptados e son imposibles de descifrar
• a continua actualización do programa, en paralelo ás distintas versións públicas do DEA.
Esta xornada inclúese dentro do Plan de Produción e Comercialización da Organización de Produtores Pesqueiros de Lugo e ía dirixida a tódolos socios tanto da OPP-7 como de Absa, que tamén colaborou na organización desta cita, que espertou moito interese entre os armadores, que aproveitaron a sesión para presentar grande número de consultas e preguntas.
A OPP7 organizou unha xornada sobre xestión sustentable para o sector pesqueiro en Burela
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
